عنوان الموضوع : اللي بتمناه مع عمتي- تفسير رؤية
كاتب الموضوع : inzou07
مقدم من طرف منتديات ايمازيغن

حلمت ان احنا في البيت واني كنت مستنية حاجة تجيلي او اعرفها او كدة .. وبعدين اختي رهام جابتلي ورقة فيها اسم الشخص اللي بتمناه بالكامل و انا فتحت الورقة و قريتها و كنت مبسوطة بيها اوي .. فـ رهام قالتلي بس انتي عارفة اسمه مش جديدة عليكي يعني .. فقولتلها مش مهم بس انا فرحانه بيها برده.
وبعدين جه مشهد تاني كإننا في كافيه .. و ان الشخص اللي بتمناه (أيمن) اعد ما بين عمتي أميرة (عاليمين) و بنت عمتي يارا (عالشمال)
وانا اعدة على الكرسي اللي ادامه و مبسوطة اني شوفته واعده معاه وفي نفس الوقت مستغربة عرف عيله عمتي منين !
و هو كان اعد خجلان و عينه في الأرض و عمال بيلعب في الدبلة اللي لابسها ومش راضي يتكلم و بعدين صحيت تقريباً

أنا: آنسه بشتغل و مواظبة عالفروض و الاستغفار
و انا بتمنى ربنا يجمعني الشخص ده و بدعي بكدة دايماً .. بس هو المفروض ان فيه حاجة قفلت الموضوع شوية وبعدتنا عن بعض (خطب واحدة تانية !) .. بس انا عندي أمل و مستبشرة خير ربنا يعديني من الامتحان و الابتلاء ده على خير و يرجعهولي (من تفسير احلام قديمة و من رسايل ربانية)

رهام (اختي): متجوزة و مخلفه و مواظبة عالفروض

قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©