عنوان الموضوع : طلبت من ربنا احلم وحلمت ؟ ممكن حد يفسرهولى لو سمحتو ؟- تفسير رؤية
كاتب الموضوع : hanan
مقدم من طرف منتديات ايمازيغن

لو مش فيها تعب معلشى اخر حاجه

قبل ما انام النهارده كنت قعدت ادعى كتير اوى
وطلبت من ربنا يورينى اى حلم او اى حاجه تطمنى من اللى جاى
وقومت مبسوطه
وده الحلم لو ينفع تفسريه
وجزاكى الله كل خير حبيبتى مقدما

حلمت اننا معرفش انا وهو بنحضر او داخلين مشروع بتاعنا هنفتحه انا وهو وكنا واقفين فى مطبخ تقريبا او حاجه شبه المطبخ
قدام بوتجاز وكان فيه بطاطس بتتقلى هو اللى كان بيقلب وانا واقفه وراه بتكلم معاه بس مش فاكره بقوله ايه عن المشروع
وبعدين هو داق واحده وبص ليا كده ونادى على مامته يسألها مكان توابل بتاعه شيبسى فين المهم راح يجيبها وانا قومت اقلب البطاطس جه مسك الشوكه اللى معايا وقالى انتى تسكتى خالص قولتله بقلبها هتتحرق قالى اسكتى برضو ومش عايزك تفكرى فى حاجه تانى شكل المشروع ده اصلا هيبوظ بسببك وهتعكى
انتى اخرك معايا نتكلم فى التليفون ونهزر وخلاص ولا تسألى عن حاجه فى حياتى ولا تسألى عن مشروع وملكيش دعوه بيا تانى
وسابنى وراح اوضه كانت ورانا بصتله كده وقولتله متأكد من الكلام ده يعنى ؟
قالى ايوه زى ما قولت كده روحت ماسكه الشوكه اقلب البطاطس وقولتله اوك ماشى لاقيته جاى من ورايا بيقولى طب انا اسف
مش قصدى حاجه والله متزعليش حقك عليا روحت معيطه بس وصحيت على ادان الضهر

الحلم كان بعد ما صليت الفجر
واسفه مره تانيه لو هطول عليكى معلشى

قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©