عنوان الموضوع : صوص لكل انواع السمك راااااااااااائعة - طبخات جزائرية
كاتب الموضوع : salima
مقدم من طرف منتديات ايمازيغن

سلام الله عليكم
ليوم نعطيكم صوص تجي مع كل انواع السمك
انا درت سردين تندقيه وحليه كيما في صورة ونحيلوا روصور تاع الشوك باه مبعدا غير تاكلي

ديري مغرف تاع طماطم مصبرة وحبة طماطم مكرفجة وملح فلف اسود كسبر وثوم كثري كيما تحبي ونص مغرف كبيرة كمووووووووووون هو الصح ونص مغرفة كبيرة فلفل حمر مطحون وحار تقدري تعوصيه بالهريسة انا مكانتش عندي

نخلطوهم وبلا منطيبوهم

نحشي بيه الحوت ونديرو حبة فوق حبة


كنكملو نديرو فوقو شوية نعناع لرائحة فقط ونحطوه في الثلاجة باه يشرب لحوت البنة تقدري تطيبي طول اذا مكفاكش الوقت

نبداو نطيبو
نفوتو الحوت في الفرينة ومبعد البيض ومبعد لاشابلور ونقليوه في نار متوسطة باه ميتحرقش





(ET VOILA!)




شوفو من لداخل



انا قدمتو مع اوردافر وفلفل وفريت ومطلوع
http://imazighen.univanet.com/showthread.php?t=1311798

مقدرتش نصور خاطر سي راجلي كان جيعان وانا توخرت شوية في لعشاء مالا صورت غير في كوزينة كون صورت قدامو كون دارلي عصافير تزقزق فوق راسي كيما تاع توم وجيري

والله والله بنا هااااااااااااااايلة جربوه وردولي





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©