عنوان الموضوع : محاجب بشكل جديدمن مطبخي - طبق جزائري
كاتب الموضوع : amira
مقدم من طرف منتديات ايمازيغن





اليوم عملت محاجب في الغداء وقلت نحطها بلاك كاين شكون يستفاد او تعجب طريقتي
اولا العجين نخلط فرينة + سميد ارطب + شوي خميرة حلويات+ ملح ونلم بالماء ونخليها ترتاح في ساشي اكبر وقت ممكن على قد ما ترتاح طاوعك في الخدمة
الحشو كل واحد وش يحب يدير وحسب الموجود والمتوفر
بصل + ثوم + توابل + طماطم علب + هريسة + فلفل + علبة سردين بالطماطم + ملح الكل في المكسور ونرحيه
نرجع للعجينة انا خليتها ساعتين عجنت غير شوي وقرصتها وحطيتها في صينية مدهونة بالزيت ونغطيها بساشيونبدا نطيب
انا نعملها على شكل مثلث
ناخذ قرصة ونحط الزيت ونضربها ماشي رقيقة خلاص باه ما يفزدش شكلها الصور توضح

















©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©