عنوان الموضوع : طبق تتشرفي بيه امام ضيوفك....اسرعي - طبق جزائري
كاتب الموضوع : hanan
مقدم من طرف منتديات ايمازيغن

السلام عليكم ورحمة الله وبركاته

اليوم جبتلكم طبق تتشرفي بيه امام ضيوفك ..ويسمى هذا الطبق دجاجة بفليلساتها ...وبدون مانقلك بلي او مجرب من عندي قداش من مرة ..مستعدة حبيبتي .....يلا نبدأ


المقادير:

دجاجة, 500غ لحم مفروم , 12 بيضة , كمشة لوز , 2 بصلة , ملح , فلفل اسود, رشة قرفة, عود قرفة, ملعقة أكل سمن أو زبدة , 1/2 كأس زيت


التحضير :

اول حاجة نظفي الدجاجة مليح

ثاني حاجة جيبي البيض واغسليهم مليح واعملي ثقب في كل بيضة حيث يكون الثقب اعلى البيضة وفرغي منها البياض

ثالث حاجة حضري الحشوة تاع اللحم المفروم اللي تحطيلها بصلة مفرومة والفلفل الاسود والملح والمعدنوس وبياض البيض اللي فرغتيه من البيضة طبعا ماتحطيهش اكل حطي غير شوية باش تتجانس الخليط وشوية قرفة ومعدنوس

عندما يصبح الخليط جاهز املئي البيضات الفرغة من بياض البيض بهذا الحشو ..طبعا راح يبقالك قليل من الحشو ضيفيلو الكمشة لوز وضعيه داخل الدجاجة ومنبعد خيطي الدجاجة

كيفاش تعملي للدجاجة
تجيبي قدر وتحطي فيه البصلة الثانية المفرومة وتحطي الزيت والزبدة مع بعض على خاطر كون تحطي الزبدة وحدها رايحة تتحرقلك ...المهم...والملح والفلفل الاسود وعود القرفة وتجيبي الدجاجة وتعملي على قليها في القدر يعني تعملي عللى قليها حتى تتحمرلك من جميع الجوانب من بعد ضيفيلها الماء ........الماء يكون مع مستوى الدجاجة من بعد اضيفي البيضات اللي املئتيهم بالحشوة باش يطيبو ..كي يطيب كلشي ..انزعي الدجاجة وحطيها في صحن دائري في الوسط ودوري بيها البيضات وزيني بالمعدنوس والليمون ...

وفعلا راح يكون مظهر الدجاجة كانها مع ابنائها

ادا ماعندكش اللوز تقدري ما تحطيهش

وشهية طيبة

وادا مافهمتوش حاجة انا بالخدمة



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©