عنوان الموضوع : بحلفك بالله لو بتحبي ابنك بلاش الكلام ده- تربية الأطفال
كاتب الموضوع : hanan
مقدم من طرف منتديات ايمازيغن

بسم الله الرحمن الرحيم

السلام عليكم ورحمة الله وبركاته

صباح الخير يا أحلى أمهااااات


كلنا بنحب ان ولادنا يكونو شاطرين ومؤدبين وينجحو في حياتهم


بس تعرفي ان بعض الكلمات الي بتنطقيها وانتي فاكراها كلمات تشجيع ممكن تكون كلمات تدميييييييير

ممكن نتفق انك لو بتقولي الكلام الي جاي ده لابنك متقوليهوش تاني مهما كان عمره حتى لو عمره تلات سنين الطفل بيستوعب اقل حاجة وازكى منك بمراااحل وانتي الي بتحددي شخصيته يعني لو افترضنا انك دايما تقوليله يا( غبي )هيثبت فدماغه انه غبي لانك عمالة تزرعي جوه دماغه صفات مش موجودة فيه فبالتالي هيتقمصها


امتنعي انك تقولي:
1-لودايما غرفته مش متوضبة(انت مفيش فايدة فيك هتفضل مهمل)
هتستبدليها(تعالى يا حبيبي نروق غرفتك مع بعض لان النظافة من الايمان ومينفعش انك تعمل حاجة ربنا مش بيحبها)
2-لو بتزاكريله(يوووه وبعدين انت غبي مش فاهم)
هتستبدليها(هنحاول تاني والمرة الجاية هتفهمها ان شاء الله)
3-جاب درجات وحشة في الامتحان(بعض الامهات بتصرب ياريت تتوقفي والا ابنك هيبقا مصيره الفشل والبعض يقول انت بليد وكل مزاكرتك عالفاضي وياخسارة الفلوس الي دفعناها في الدروس)
استبدليها(معلش يا حبيبي هتعوضها ان شاء الله بس لازم من النهاردة تجتهد وتزاكر وليك عندي هدية كبيرة اوي لو جبت درجات حلوة الامتحان الجاي)
4-لو ابنك حكالك حاجة انتي بس معنى كده انه مش عاوز حد تاني يسمع فبلاش لما تجتمعي انتي واصحابك او قرايبك تقوليلهم اسكتو مش ابني قالي وقالي وممكن يضحكو طبعا عليه ويهزرو والموضوع ده هيخليه يفقد الثقة فيكي




يارب احفظ اطفالنا واطفال المسلمين


قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©