عنوان الموضوع : عجينة الكوكة اللي درتها اليوم - طبق جزائري
كاتب الموضوع : kamiliya
مقدم من طرف منتديات ايمازيغن

السلام عليكم انا عضوة جديدة لكني كنت اتابع وصفاتكم بكل اعجاب يعطيكم الصحة فقررت ان انقل اكم هذه الوصفة اللتي وجذتها في النت وجربتها وكانت ناجحة المهم نبذا العجينة كاس و نصف فرينة -- ربع كاس زيت -- ربع كاس حليب -- نصف ملعقة كبيرة خميرة خبز -- نصف ملعقة صغيرة ملح اخلطي المقادير مع بعض ثم ادخليها الى الثلاجة ترتاح 30 د بدون عجن كوريها برك كي ترتاح حليها و قطعي دوائر باش تحشيهم . انا درتهم بالسلق طريقتي ذبلت السلق في المقلة مع شوي زيت -- فص ثوم --- ملح و تابل -- نحيتو من النار و زدتلو حوالي ملعقة كبيرة كرام فراش و فرماج رابي ثم حشيت بيهم في الاخير دهنت الكوكا بصفار البيض مع قليل من القهوه باش تروح ريحة البيض امبعد دخليهم للفرن . وشهية طيبة اسمحولي مادرتش الصور مازالني جديدة ما نعرفش اندير الصور انشاء الله نتعلم و انديرلكم



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©