عنوان الموضوع : عجينتي الطرية...لوجبات صحية وأطباق شهية...موالح و تحلية - اكلة جزائرية
كاتب الموضوع : kamiliya
مقدم من طرف منتديات ايمازيغن



اللهم صلّ على سيدنا محمد صلاة ترضيك وترضيه وترضى بها عنّا يارب العالمين
وعلى اله وصحبه اجمعين والتابعين باحسان الى يوم الدين

وش احوالكم حبيباتي
اولا نعتذر على التأخير
كان النت ثقيل ومنبعد ماكنتش في داري
وثانيا نشكر حبيبتي ام كوثر على التثبيت جزاكِ الله خيرا
وثالثا نشكركم على الردود الطيبة يا بنات
ربي يخليهالي ...وماتنسونيش من صالح دعائكم
ربي يرضى علينا وعليكم

كما العنوان يقول عجينتي الطرية مانبدلهاش بعجائن الدنيا

هههههههههه
لكلش تصلح ...ومازال اطباق عديدة كنت جربتها
بافكار شفتها على النت وماصورتهاش
ان شاء الله كل مانعاود وحدة نحطها في هاذ الموضوع
حتى تشوفو بلّي بالفعل عجينة متعددة الخدمات
رائعة لذيذة ..مقرمشة...خفيفة وقطنية
تصلح للبيتزا والميني بيتزا وتجي مقرمشة خفيفة وبنييييييييينة
والله احسن من نتاع برّا ...فقط تبعو الخطوات
لانواع الهمبورجر
للموالح في حفلات النجاحات رائعة وخسارة ماكنتش صورت
وان شاء الله لما تتاح لي الفرصة نصورهملكم
للشوصون ،لعجائن الجبن ...لخبيزات بالتوابل
معجنات بالسلق باللحوم او الدجاج...
المهم الليستة طويلة...
فقط اطلقي العنان للابداع لانه الاساس مضمون
لو تتبعتي الخطوات

المقادير:

5 كيسان فرينة+بيضة كبيرة+3 معالق كبيرة زيت+ملعقة كبيرة سكر+ملعقة صغيرة ملح+ملعقتين صغار خميرة الخبز+ماء للعجن
بالنسبة للملح يمكن الزيادة او النقصان حسب الذوق وحسب الحشو المستعمل
يعني اذا كان حشو مالح ننقصو الملح
واذا كان حلو ننقصو الملح كذلك


نحطو المقادير في الخلاط الكهربائي
واذا ماكانش مش مشكل اطلاقا
نعجنو ونلوحو الماء بالشوية
حتى نتحصلو على عجينة طرية
نكملو عجن حتى ماتعودش تلصق في اليدين بزاف
ويمكن الاستعانة بشوية فرينة

لكن لو عجانة يسهل الامر بزااااف

شوفو العجينة


نحطوها تختمر ونغطّوها بمنديل مطبخ وبكيس
واذا كان بارد الحال
نحطّو كاسرولة فيها ماء على النار
لمّا يغلي نطفي ونحط فوقها وعاء العجينة
هذا يساعد على اختمارها بالخف
تشفاو على العوامل المساعدة على نشاط البكتيريا
في دراسة الوسط زمان...هاذيك هي
ههههههههه



شوفو ماشاء الله كي تخمر



اذا درت كمية كبيرة نجبد بالشوية ونشكل
نرش طاولة العمل بالفرينة



ونحلّها بالقنوط



خلاص ...مبدئيا العجينة واجدة لكل انواع العجنات
واشهرها طبعا البيتزا
واللي بهاذ العجينة قادرة تعملي بيها 20 نوع وربما اكثرمنها
بصوص الطماطم العادية وزيت الزيتون واللي هي ألذها وأبسطها
واللي بالطماطم والجبن طبعا الذااااااااااائب
واللي بالمرقاز واللي باللحم المفروم واللي بالفطر
واللي بالدجاج واللي بالكروفات....

اهنا صورت اللي بكريّات اللحم المفروم والطماطم الكرزية البسكرية
تحية لناس بسكرة العزااااااااااااز


وقرمشة مانحكيلكمش


جربوها وتشمو ريحتها بنييييينة



واللي محشية بالفرماج

تحبو تذوقو

وهاذو خبيزات بزيت الزيتون والبصل والزعيترة
ممممممممممم
مع شريبة او حريرة سخونة في الشتا مانحكيلكمش

وهاذي حبوبتي في رمضان
نكلّح بيها النّاس اللي مايحبّوش ياكلو الأكل البايت
نديرها كل يومين في بلاصة البوراك
ونلم فيها بواقي الاكل
ياكلو ويقولو ممممممممممم الماكلة اليوم بنيييييينة
هههههه
ياربي مايطيحش الموضوع هذا في يد واحد من افراد العائلة الكريمة


وميني بيتزا هايلة والتزيين حسب الذوق

هاذي موالفة نديرها لبواقي الحوت بأنواعه
نزيد معاه زيتون وكمون ومعدنوس

هاذي بالجبن

وهذا درتو هاد السمانة تطبيقي لفلة ربي يجازيها خير على الفكرة
http://imazighen.univanet.com/showthread.php?t=1511956

وهاذ بحشو الطماطم والمرقاز

بنّنّنّة

وهاذو ميني هومبرجر

وهاذو بصوص طماطم عادية


وهاذي بالمرقازوالفلفل والطماطم والزيتون والجبن ممممممممم



وهاذي فكرة هزيتها على سلفتي
ادّيرها للاولاد الصغار في العيد بخبز الدار
ويفرحو بيها ماتتخيلوش



وهكذا اذا كنتي رايحة عند ماماك او عجوزتك
ومحتارة وش تدّي في يدّك مكان الحلو
او خارجة تحويسة مع العشية في الربيع ممممم
تدّيها للاولاد


نقوللك احسن وألذ وأجود من هك ماكانش



وممكن من نفس العجينة
تديري الحلوبالشوكولا نوتلا والبنان او مكسرات
واذا زدتيلها صوص توفي
امممممممممممممممم



ان شاء الله نكتب الخطوات بالتفصيل في المشاركة الجاية






©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©