عنوان الموضوع : وأخيـــــــــــــرا مشروب الشكولا الساخن البنين - عصائر و تحليات
كاتب الموضوع : inzou07
مقدم من طرف منتديات ايمازيغن


السلام عليكم حباباتي تاع ايمازيغن إن شاء الله تكونوا بخير
في الحق عندي مدة وأنا نحوس على الوصفة تاع مشروب الشوكولا الساخن على خاطر نموت على الشوكولا ههههه المهم بلا ما نطول عليكم سقسيت عليه وسيتوا وجاء هاااااااااايل
لكنني كي جيت نكتب الموضوع معرفتش نطلع التصاور خسااااااارة
بلا ما نطول كثر هذي هي المقادير البسيطة اللي ستعملتها أنا وصدقوني مشروب ولا أروع
المقادير:
1/ثلاث كيلات من الشوكولا المبروشة
2/كيلا من الحليب البودرة
3/ لتر من الحليب السائل
4/ لافاني وسكر حسب الرغبة
5/ عود قرفة
طريقة التحضير
حطي في طاوة الحليب السائل حتى يبدأالحليب بالغليان ثم نضيف الشوكولا المبروشة وبودرة الحليب ونتركه يغلي لمدة دقيقة واحدة مع التحريك بالفوي (المضرب اليدوي)
وأخيرا نضيف لافاني والقليل من السكر (أنا أضفت 2 ملاعق كبار) سوف نحصل على مزيج لزج نوعا ما (خاثر وبنين)
ثم نسكبه في إبرق فيه عود من القرفة لتعزيز نكهة الحليب ونحرك مرة أخرى بواسطة عود القرفة ونسكبه في فناجين التقديم
نتمنى من كل محبات الشوكولا أنهم يجربوه
:m h31:



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©