عنوان الموضوع : Brioches nid d'abeille من صنعي - أكلات جزائرية مجربة
كاتب الموضوع : hanan
مقدم من طرف منتديات ايمازيغن

السلام حبيباتي
حبيت نوريلكم هادي الوصفة راهي بنينة بزااااااااااف
هي مالح وحلو
و هي خلية النحل محشية بالفرماج و معسلة تجي خفيفة و بنينة نتمنى تجربوها
هادي درتها لدار


وهادو بعتتهم لصاحب بابا


الوصفة ساهلة بزااااف
2 كيسان ماء دافئ
2 مغارف اكل خميرة
3 مغارف اكل سكر ارطب
4 مغرف حليب poudre
بيضة (خرجيها من قبل بساعة من الثلاجة)
فنجال زيت
فرينة حولي 750غ
16 فرماج
شوية ملح
في انء كبير كبي فيه الماء الدافي و الخميرة السكر الحليب الزيت البيض ولمي بالفرينة ختي تولي عجينة مطلوقة شوية ادهنيها بشوية زيت و غطيها بكيس بلاستيك خليها تتخمر
ومن بعد جيبي بلاطو لازم يكون دائري فرشي في الالمنيوم وادهنيه بشوية زيت
قطعي الفرماجة الى قطع ماشي صغيرة بزاف
و اعملي كريات صغيرة من العجين و احشيهم بالفرماج و بعدي الكريات علي بعض راهم يطلعو
ابداي من نصف البلاطو و شكلي على شكل خلية النحل ادهنيهم بصفار البيض مع النيسكافي
دخليهم يطيبو من فوق و من تحت
و جدي شاربات مايكونش تقيل بزاف
كي يطيبو خليهم يبردو
شربيهم مليح بالشلربات سخون
و زيدي ويلا عندك من فوق كاوكاو ولا بيستاش مرحي انا درت اللوز

نتمنى عجبتكم الوصفة راهي ساهلة بزاااف
وماتنساوش الردور



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©