عنوان الموضوع : تفسير الحصول على ماسك خمار من الفضة في المنام- تفسير رؤية
كاتب الموضوع : hamida
مقدم من طرف منتديات ايمازيغن

السلام عليكم

اناحلمت من فتره حلم بس مااهتمتش بيه
غير قريب لما حصل حاجه فى العائله
وانا قريت موضوعك الجديد
وياريت يتسع صدرك ليه
انا مش عارفه وقت الحلم بس انا فى الغالب
بنام بعد الفجر ولان الحلم من فتره مش متذكره حاجات فيه
حلمت انى فى بيت خالتى (خالتى مطلقه) وعاوزه
اروح الحمام هى عندها حمامين واحد كبير جيت ادخله
مش متذكره ايه اللى خلانى مش عارفه ادخله
حاجه خلتنى مش عارفه ادخله
والتانى صغير لقيت ذى مايكون شاشه بتعرض
الحمام يعنى فى كاميرا بتصوره وبتعرض على شاشه
وما عرفتش ادخل ودنى احاول ادخل الكبير مره
بس مش فاكره كان مش نظيف او مكركب
واحاول ادخل الصغير مره
والمطبخ مليان اكل بانواع كتيره
لان كان فى مناسبه ذى خطبه لبنتها (بنتها غير متزوجه ومن سنى تقريبا ولاتفكر فىالزواج)بس كانت فى الحلم
ذى ماتكون بنت اختى(متزوجه ولم تحمل)والاصول
ان احنا بنجهز نفسنا عشان الشبكه وفجاه لقيت العروسه
لابسه وانا قلت فى نفسى احنا لسه بدرى وماحدش
جهز هى لابسه بدرى ليه وبعدين روحت لها
لقيتها ماسكه حاجه شبه الخاتم ولونها ذى الفضى
وشكله يدى بروش اودبوس طرحه كبير
كان شكله غريب وانا حاولت اشوفه فى ايدى
لقيتنى لابسه خواتم دهب كتير فى ايدى
وماينفعش البسه وده اللى انا فكراه
انا متزوجه ولدى ولدين وحامل
وملحوظه انا بحلم كتير احلام مش واضحه
وغريبه وبعد فتره بتتفسر مش ذى ماشوفتها
لكن بلاقى معنى للحلم
وانا اسفه للاطاله ومستنيه ردك ويكون خير ان شاء الله


قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©