عنوان الموضوع : سندويشات الفلفل لعيون أختي أم نور الدين - جزائري
كاتب الموضوع : admin
مقدم من طرف منتديات ايمازيغن

كنت شفت الوصفة في قناة سمير عجبتني بزاف طبقتها والحمد لله تحصلت على سندويشات هايلة وبطلب من أختي أم نور الدين رايحة نحط الوصفة
امقادير العجينة:
كيلو فرينة
3 ملاعق كبار خميرة الخبز
ملعقة صغيرة فانيلا
ملعقة كبيرة سكر
نصف كأس زيت
1لتر حليب دافىء
نخلط جميع المقادير حتى نتحصل على عجينة تلصق في الأيدي نغطوها ونخلوها تختمر
في تلك الأثناء نحضر الحشو فلفل حلو مشوي وفرماج
كيتختمر العجين نفتحوها دائريا نحلو فيها الفلفل الحلو ثم الفرماج ونروليوه على حساب الفلفل ثم نخلوه يخمر مرة ثانية وكيخمر ندهن بخليط التلميع اللي هو :ملعقة صغيرة حليب + رشة ملح + ملعقة قهوة سريعة الذوبان + صفار بيضة
ان شاء الله شرحي يكون مفهوم وأي استفسار أنا في الخدمة
ملاحظة أنا درت نصف المقادير تحصلت على هذا الصحن


دعواتكم أخواتي




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©