عنوان الموضوع : تارت التفاح بالقرفه - حلويات
كاتب الموضوع : imilla
مقدم من طرف منتديات ايمازيغن

رصّي فيها شرائح التفاح بعد ما تخلطيها بالقرفة وملعقة السكر
تارت التفاح بالقرفة
المقادير:
5 ثمرة تفاح
كوب جوز هند مبشور
ملعقة كبيرة قرفة
ملعقة كبيرة سكر
1/ 2 كوب زبدة
كوب دقيق
كوب سكر
بيضة

الطريقة:
1- سيّحي الزبدة على النار، وسيبيها تبرد شوية.

2- اخلطي السكر مع الدقيق، وبعد كده ضيفي عليهم البيضة وقلّبيهم مع بعض كويس، وبعد كده ضيفي الزبدة السايحة، وقلّبيهم مع بعض كويس، لغاية ما تتأكدي إنهم تجانسوا تماما.

3- بعد كده ضيفي الجوز على الخليط السابق، واخفقيهم مع بعض كويس جدا، لغاية ما تحصلي على عجينة لينة.

4- هاتي صينية مدهونة بالزبدة من القاعدة والجوانب، ورصّي فيها شرائح التفاح بعد ما تخلطيها بالقرفة وملعقة السكر، بس راعي إنه مايبقاش فيه مسافات فاضية بين شرايح التفاح.

5- صبّي خليط العجينة فوق التفاح، ودخّلي الصينية في فرن ساخن على درجة حرارة عالية، وسيبيها لمدة 40 دقيقة أو لغاية ما التارت يبقى لونه دهبي.

7- طلّعي الصينية من الفرن، وسيبيها شوية علشان تبرد، وبعد كده اقلبيها في طبق التقديم، وممكن تزيّنيها من على الوش بالكريم شانتيه.. وبالهنا والشفا.

قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©