عنوان الموضوع : فتة الأرز واللحمة الضانى,أكلات مصرية,مطبخ مايا علي - طبق شعبي
كاتب الموضوع : chahinez
مقدم من طرف منتديات ايمازيغن



ومن الأكلات اللي بنحبها جدا في مصر هي
فتة الأرز باللحمة الضانى
نشوف مع بعض المقادير
1 كجم لحمة ضانى
حنحط في شوربتها بصل وطماطم وكرفس وجزر
ملح وفلفل أسود وكركم وورق لورى وحبهان
الفتة:
2 كوب أرز مصري
2 كوب ونصف مياه مغلية
ملح
الصلصة:
2 طماطم
3 فص ثوم كبير
3 ملعقة خل أبيض هاينز
ملح / فلف أسود
عيش شامى مقطع
الطريقة:
ضعي مياه في قدر كبيرة وسيبيها تغلي
اغسلي اللحمة جيدا عشان ريحتها
وقت ماتغلى المياه ضعي اللحمة واستني لما تغلى وشيلي الريم
ضعي البصل والطماطم والجزر والكرفس والملح والفلفل وورق اللورى والكركم وسيبي اللحمة تستوى







وهنا استوت خلاص



بنفس الوقت جهزى الصلصة ضعى الثوم المقطع في مادة دهنية وقلبي ليذبل وابعديه عن النار عشان لما تحطى الخل مايتفاعلش مع النار وتلاقي الطاسة كلها بقت نااااار أنا نبهت للمبتدئين
ضعي الطماطم المضروبة في الخلاط والمصفاة وضعي الملح والفلفل وسيبيها لحد ماتتسبك ضعي عليها مياه مغلية عشان تبقي بالقوام الخفيف صلصة الفتة مش بتبقي تقيلة حبيباتى









حمصي العيش بالفرن وقطعيه وضعيه بطبق التقديم
ضعي عليه الشوربة وملعقتين سمن بلدى مقدوحة



ضعي عليه من الصلصة



ضعي عليها الأرز وضعي علي وجها الصلصة بشكل منمق وضعى علي وجه الفتة اللحمة الضانة المحمرة



وده طبق الشوربة



وده طبقنا النهائي



قدمى معاها السلطة الخضراء وتكون بالبقدونس عشان يمتص الدهون اللي بالأكلة مهمة جدا السلطة بس للحقيقة أنا نسيت أصورها اعذرونى كنت مسافرة وبعمل بسرعة
بالهنا والشفا علي قلوبكم
ماتنسوش التقييم


قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©