عنوان الموضوع : فكرة بسيطة اوى هتاخدى ثواب وهتوفرى وانتى مش حاسة- أفكار 2015
كاتب الموضوع : admin
مقدم من طرف منتديات ايمازيغن


نصائـــــــــــــــــــــ ـــح عـــــــــــــــدولة


بعد السلامات ندخل فى الموضوع

دلؤتى ركزوا معايا فى الفكرة البسيطة دى

هتاخدى عليها ثواب وتوفرلك فى المية

اللى عليكى انك هتجيبى مثلا جردل وتحطيه فى مكان ثابت وهتجمعى فيه اى مية هيكون مصيرها الرمى

مثلا كوباية مية متبقى فيها مية من شرب محطوطة عالترابيزة وولا على كومودينو ولا فى المطبخ
بدل ماترميهم فى الحوض هتحطيهم فى الجردل ده
حتى لو حبة صغننين متقوليش مش هيفرقوا
لا هيفرقوا مرة ف مرة

فى الجو السقعة ده لما بنيجى نتوضى ولا حتى نغسل ايدينا او ناخد دوش بنسيب المية السخنة تنزل شوية لحد ماتسخن هتكونى حطة دورق ولا حاجة تجمعى فيها المية دى وبعدين تحطيها فى الجردل اللى بنجمع فيه الميه

بصى اى مية هترميها

بعد مدة لما تجمعى كمية مية معقولة فى الجردل تقدرى تاخديها تنقعى فيها هدوم هتغسليها مثلا

او تحطيها فى جردل الشرشوبة وتنضفى بيها

او لو عندك زرع اسقيه بيها

او ممكن تديهم لزوجك مثلا فى ازازة يخليها معاه فى العربية عشان بيستخدموها ساعات فى تبريد العربية وكده



يعنى باختصار هتكون مية نضيفة للاستعمال بس طبعا مش لدرجة الشرب

بس كده هى دى الفكرة يمكن تحسى انها هايفة بس هتاخدى عليها ثواب لو خليتى ف نيتك انك بتعملى كده عشان ترضى ربنا وانك بتحافظى على نعمة كتير اوى غيرك محروم منها

وتانى حاجة هتحافظى على المية الغالية اوى اللى بنهدرها ببشاعة واحنا مش حاسين

اخر حاجة هتوفرى فى فاتورةالمية

احنا يوم القيامة هنكون فى عرض حسنة واحدة

ماتستخسروش اى حاجة ممكن تجمعوا منها حسنات وانتوا مش حاسين

يلا اسيبكم فى حفظ الله ورعايته



قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©