عنوان الموضوع : *خبز فيسال مممم هايل مع الشوربة* - من مطبخي
كاتب الموضوع : hanan
مقدم من طرف منتديات ايمازيغن

سلام عليكم حبيباتي
عندي شحححححححاااال نقول نحط هد الموضوع ماكتبش ربي
هدا خبز فيسال وراتهولي صحبتي و ملي ذاقو راجلي هبل عليه كل ما ندير الشوربات يشرط هولي البولونجي لي قدامي مسكين كولا
نبداو نحطلكو الوصفة فبل من بعد الصور باش ما تتخلطش عليا الحالة راني مبتدئة
1- العجينة المخمرة 4م ك قرينة+1م ك خميرة الخبز +2 م ص سكر + الماء دافي تولي كي البغرير وخلييها تخمر
2- ذوني 50غ مرقارين+فنجان حليب +2م ص سكر
بعد ما تخمر العجينة المخمرة + الخليط لي ذوبتيه + 1/2 م ك ملح + الفرينة حتى تتلم
وتخليه تخمر نصف ساعة وعاودي فشيها وزدي خليها تخمر
من بعد شكليها كويرات وبداي تخدمي فيها بلا ما تزيد تخمر
والصور افهموك اكثر














راني درتلكم طزينة تاع الصور على بالي بلي تحبو الصور كي حالتي
ان شاء الله يعجبكم وتحربوه و الله ماتندمو و ادعولي دعوة الخير

ملاحظة : الكوشة لازم تشعلولها من الفوق ومن التحت في نفس الوقت ولي ما عندهاش دير في la cuisinière كيما انا لازم تشعل من تحت والسنيوة تكون الفوق باش اطيب من بعد كي يحمار من التحت تشعلي الفوق باش يحمار بلا ماتهبطي السنيوة مي عسيه biensur



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©