عنوان الموضوع : جمبري علي طريقتي لعيون نيفين - وصفة من مطبخي
كاتب الموضوع : hamida
مقدم من طرف منتديات ايمازيغن

بسم الله الرحمن الرحيم

مسائكم عسل يا ثيمازيغين


الوصفة دي نزلتها عشان خاطر حبيبتي ( نيفين )


انا بعمل الجمبري ده بالمكرونة بس الجمبري بقشره جوة المكرونة مش متقشر



اولا : بجيب جمبري كبير شوية مش صغير

بغسله كويس واملحه شوية زي ما بنملح الفراخ عشان طعم اللحم جوة يبقي مملح وطعمه حلو وبعدين اغسله

ثانيآ : بحضر الخلطة اللي هحطها عليه ودي طعمها بيبقي تحفة


اراهنكوا هتسيبوا الجمبري وتاكلوها وهي ....



طماطم مقطعة

فلفل رومي مقطع

فلفل حامي مقطع

بصل مكعبات

جنزيل فريش

ثوم فريش

كمون

فلفل اسود

ملح

كسبرة ناشفة

وبس

ثالثآ : نخلطهم ببعض ونحطهم علي الجمبري

وكل ما تسبيها كل ما يبقي احسن

يعني انا ساعات بسيبها يوم او يومين

بعد كده بحط شوية زيت في حلة وانزل عليه بالجمبري بالخلطة اللي فيه وشمي الريحة بقي

انا مش بحب اسيبه كتير علي النار

لاني بحب الجمبري بيمضغ شوية مش مهري

لو عايزة بقي تحطي المكرونة عليه مااااشي

انا بسلق المكرونة الاسباجيتي وبعد ما يستوي الجمبري برمي عليه المكرونة وتقلبتين بس وتغرفي احلي مكرونة بالجمبري

كل اللي يدوقها عندي يستغرب الجمبري في المكرونة بقشره بس بيحلفوا بيها
اول مرة عملتها جوزي اتجنن

بالهنا والشفا

واللي تجربها تقولي ايه الاخبار





قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©