عنوان الموضوع : انا خايفه اوى- للصحة النفسية
كاتب الموضوع : inzou07
مقدم من طرف منتديات ايمازيغن

انا كنت مخطوبه وكنت انا وخطيبى بنحب بعض اوى اوى وسيبنا بعض حوالى 5شهور بسبب شويه مشاكل
وربنا كرمنا والحمدلله رجعنا لبعض تانى خطيبى ليه اخ كان بيعتبرنى اخته وبيعزنى جدا وانا كمان بعتبره اخويا مش اخو خطيبى ولما رجعت لخطيبى كان اخوه خطب وشوفت خطيبته واتعرفنا على بعض وبقينا صحاب وبنسئل دايما على بعض وفجاءه عرفت انها عملت فى موقف مش قادر اعرف هى عملته معايا ليه مع انى والله كنت حبتها واعتبرتها اختى لانى ماليش اخوات وبسبب الموقف ده خلت اخو خطيبى كرهنى ومش طايقنى ولاول مره يتكلم معايا باسلوب مش كويس وانا كنت مستغرباه ومش عافه هوه بيكلمنى ليه كده وبعد فتره صعبت على خطيبى وقالى انه عرف من اخوه انها هى عملت فيا الموقف ده وخطيبى حذرنى منها وبالرغم من كده قلت خلينى احسن ومعاملش حد بمعملته ولما كانت تكلمنى كنت بكلمها كانى معرفتش حاجه وفى العيد راحت تعيد على حماتى وخطيبى سمعهم بيتكلموا عليا عمل معاهم مشكله ومنعهم يتكلموا معايا علشان ميدخلونيش فى مشاكل وبالرغم من كده انا اللى كلمت حماتى عشان خطيبى دى مهما كان امه بس انا خايفه انا اخوه لما يجى من السفر يعمل مشاكل هو وخطيبته ويبوظوا جوازتى وانا مش بطلب من ربنا غير انه يجمنى انا وخطيبى حب عمرى مع بعض فى بيت واحد لانى بجد بحبه اوى اوى اوى وربنا وحده عالم قد ايه انا بحبه بالله عليكم فيدونى وانصحونى اعمل ايه انا عمرى مكرهت حد ولا عايزه حد يكرهنى لانى الحمدلله محبوبه بين اهل خطيبى سواء اهل مامته او اهل باباه







©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©