عنوان الموضوع : قاطو الكفتة الأبيض و الأخضر جزائرية
كاتب الموضوع : hanan
مقدم من طرف منتديات ايمازيغن


السلام عليكم
سامحوني أخواتي على طول الإنتظار


إليكم الوصفة


بالنسبة للحشو:
أنا درت مادلان لي يتباع برا رحيتو جيدا+واش عندك مكسرات مرحية + و تلميهم بالعسل أو المربى ما تكون تتفرتت ما تكون جارية لازم تكون معتدلة و نشكلو حربوش و نخليوه جانبا


أما بالنسبة لعجينة اللوز شريتها واجدة تتباع في المحلات بصح كاين أنواع أنا شريت النوعية الأولى لي جي من الخارج (فيها الأبيض و الأخضر و الوردي) جي بنينة و تحسي بذوق اللوز فيها

بالنسبة للبيضاء تستعملي البيضاء و تزيديلها الملون الأبيض و تحليها بالحلال حوالي 1 سم و تحطي فوقها الحربوش السابق و تدوري دورة وحدة و تقطعي الزائد
ثم تقطعيهم مقروطات
ثم بواسطة فرشاة لي نديرو بيها (faire a joux) تكون جديدة نلمع الحبات بالبريون غبرة بعد ذلك نزينهم من فوق بالوردات (باش يجي اللون الأصفر في وسط الوردة نضع كمية من عجينة اللوز ملونة بالأصفر ثم نضع فوقها عجينة بيضاء
و نفس العملية بالنسبة للكفتة الخضراء ...
و أي استفسار أنا في الخدمة

سلام



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©