عنوان الموضوع : صنية رز أوزي ... طعامه وتوفير - وصفة من مطبخي
كاتب الموضوع : khouloud
مقدم من طرف منتديات ايمازيغن




النهاردة هقولك طريقة عمل صنية رز اوزي من وصفاتي

بسيطة جدا

وتكاليفها قليلة وبسيطة للي حابة توفر وبنفس الوقت تفرح بيتها وجوزها وولادها

دي صورة طبق منها هيا شكلها اجمل من كده معلش نسيت اصورها





المقادير :

2 كوب رز اي نوع عندك

بصلة مفرومة

ربع أو نص كيلو قوانص وكبد فراخ

شوية بسله ( بازيلا ) اي مقدار حسب الرغبة

بهارات وفلفل اسود

رشة ملح - مكعب مرقة ماجي



الطريقة :

حطي حلة صغيرة على النار

حطي شوية زيت ذرة او سمنة زي ما تحبي وقلبي فيها البصلة المفرومة لحد ما تدبل

ضيفي الكبد والقوانص المقطعه وقلبيهم كويس

شوية كده وضيفي البسلة حبة مش كتير قد ما بتحبوها

وقلبيهم وضيفي الملح والماجي والبهارات والفلفل الاسود

قلبيهم شوية وضيفي عليهم 2 كوب ماء لو الرز عادي

ولو رز اوزي او امريكي خليهم 2.5 كوب ماء

اتركيهم على النار لحد ما البسلة تستوي

هاتي حلة تانية صفي فيها ميه القوانص والبسلة

وزوديها شوية ملح عشان الرز وخليها تغلي بعدين حطي الرز بعد ما تكوني غسلتيه

وسويه سوى الرز العادي يعني لما يتشرب الميه الي عليه وطي النار


التحضير :

هاتي صنية التقديم حطي الرز وبالنص حطي عليه من صلصة الكبد والقوانص والبسلة على الوش

وانتي وشطارتك في التزويق والتزيين بقا


على فكرة انا مش بنقل مواضيع خالص


وصحة وعافية

قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©