عنوان الموضوع : طريقة سهلة جدا لعمل بلوزة بنات كروشيه- كروشيه 2015
كاتب الموضوع : madiha
مقدم من طرف منتديات ايمازيغن



يلا
 على بركة الله نبـــــــــــدأ


هشتغل بخيط صوف وابره كبيرة مقاس (4)
 بصوا معايا انا ببدأ ديما شغلى من تحت بيكون اسهـــــل
هتاخدى مقاس بنوتك وتقسمى على 2 زى ما انتى عارفـــة
 نبدأ الشغل من الامام ( أنا هشتغل 58 سلسلة ) خلو بالكم انا بشتغل على مقاس بنتى
 بعد ما انتهيت من عمل السلسله ابدأ السطر الاول
 اعمل 4 سلسلة وانزل فى عين السلسلة التالتة بغرزة ساقطة واشتغل 5 سلسلة
 وافوت 4 سلسلة من تحت واعمل غرزة ساقطة ده هيتكرر لانتهاء السطر

شوفى انا نهيت السطر الاول ازاى فى الاخر بعمل 4 سلسله وفى السلسلة اللى قبل الاخيرة
 بعمل عمودين فى عين السلسله واعمل عمود فى أخر سلسله
 اصبح عندى فى نهاية شغلى3 عموايـــد


فى أخر عمود بشتغل 3 سلسله وده بيكون لبدايه السطر التانى
ألف الشغل وابدأ فى السطر التانى


بداية شغل السطر التانى
 بعد ما عملتى 3 سلسله ولفيتى الشغل اول سلسله هتعملى عمودين
الصورة موضحه ده ...

بعد كده تعملى 4 سلسلة وتنزلى بغرزة ساقطة ( الحشو ) وسط الـ 5 سلسلة
 واطلعى بـ 5 سلسلة وانزلى بغرزة ساقطة فى وسط الـ 5 سلسلة اللى بعدها
اطلعى بـ 5 سلسلة وانزلى بغرزة ساقطة فى نفس الـ 5 سلسلة اللى بعدها
 هتطلعى بـ 3 سلسلة تنزلى فى وسط



الـ 5 سلسلة اللى بعدها وتعملى عمودين و 2 سلسلة وتنزلى فى نفس الشغل بعمودين
 اصبح عندك 4 عموايد يفصل بينهم 2 سلسلة هتكررى الشغل
لنهاية السطر التانى فى نهاية السطر بتعملى 4 سلسلة - اعملى عمودين فى السلسلة اللى قبل الاخير
 وعمود فى السلسلة الاخير واطلعى بـ 3 سلسلة ولفى الشغل
لـ بدايةالسطر التالت

أحب افكرك فى نهايه كل سطر بننهى بعمل 3 عموايد ونعمل 3 سلسله
ونلف الشغل لبدايه سطر جديد
لفيمت شغلنا وعملنا 3 عواميد هتعملى 6 سلسله وتنزلى فى وسط الـ 5 سلسله وبعدين
 تاخدى 5 سلسله وتنزلى فى وسط الـ 5 سلسله اللى بعدها ركزى معايا هنا هتعملى
 6سلسلة وتنزلى فى الـ 5 سلسلةوتعملى عمودين وتاخدى 2 سلسله وتعملى عمودين
 فى نفس العين اصبح عندك 4 أعمدة
أفتكر الصورة واضحه

نيجى لشغل السطر الرابع وده المهم طبعا فى الاخر زى ما انتى عارفه بننهى بـ 3
عموايد ونعمل 3سلسله ونلف شغلنا ونعمل عمودين فى وسط العمودين السابقين

فى أخر عمود هتشتغلى 8 سلسله وتنزلى فى وسط الـ 5 سلسله هتلفى الشغل وتعملى
 6 غرزة ساقطة بتطلعى بردوا بـ 8 سلسله وتنزلى بغرزة ساقطة وتلفى الشغل وتعملى
 6 غرزة ساقطة وهتكررى ده 5 مرات ذى ما الصورة موضحة كده


هتكرر نفس الشغل السابق



قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©