عنوان الموضوع : الفراخ المشويه من مطبخى بالصور الذ وانضف من بتاعت بره بكتيييييييير - وصفة من مطبخي
كاتب الموضوع : kamiliya
مقدم من طرف منتديات ايمازيغن

الفراخ المشويه من مطبخى بالصور الذ وانضف من بتاعت بره بكتيييييييير

الوصفه دى بتاعتى انا وكل اللى جربوها عجبتهم اوى سهله وسريعه وكمان دايت

المقادير
فرخه كامله متنضفه ومغسوله كويس
معلقه صغير بودره توم
ملح
فلفل اسمر
ليمونة
زعتر-كركم-كسبره ناشفة(اختيارى)
للحشو
بصل مقطع جوانح -طماطم مقطعه

الطريقه

هاتى الضحيه وشرحى فيها بالسكينة شرايح وخدى بالك الضحيه كامله
تبليها بالملح والفلفل وبودره التوم من بره وجوة وبين الجلد كويس جدا ومتكتريش الملح عشان متطلعش حادقه

ممكن تسيبيها فى التتبيله شويه واعصرى عليها ليمونة
حطيها فى صنيه ودخليها الفرن من تحت وفوق
ودى شكلها بعد ما طلعت من الفرن

اكبسى عليها علطول بغطا عشان متنشفش

جهزى بقى حتتين فحم حلوين كده ع البوتاجاز من فوق

قطعى الفرخه وهى نايمة كده بالطول يعنى تقسميها بالسكينة
طلعى الحشو وحطيها بالشكل ده على الشوايه الشبك



اشوى بقى يا عدوله وشمى احلى ريحة فراخ مشويه تجيب اخر الدنيا






بعد ما تشوى حطيها تانى فى الصنيه ومعاها الفحم واكبسى عشان تاخد ريحة الفحم



وبالهنا والشفا يا قمرات

قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©