عنوان الموضوع : الحجاب- الدين الاسلامي
كاتب الموضوع : chichaki
مقدم من طرف منتديات ايمازيغن
البنت المسلمة اللي مش محجبة لما حد ينصحها بانها تتحجب في منهم بيتحجبوا و في منهم بيردوا الردود المعروفة
زي مثلا
انا عايزة اعيش حياتي
دي حرية شخصية
العمر طويل ادامي
نمسك اول رد :
انا عايزة اعيش حياتي
لا و الله؟ ده بقى على اساس ان الحجاب بيكتف و بيخلي الواحدة مش عارفة تتحرك براحتها؟
طب ردك ده معناه انك فاهمة حاجة عن الحجاب؟
مش باين و الله
حقولكوا الكلام المعتاد
الحجاب يعني تصوني نفسك و تستريها
ممكن تقوليلي الرد المعتاد برضه
ايه فايدة جمالي اذا كان ما فيش حد بيمتع بيه عيونه
على فكرة ، الجمال الداخلي بينعكس على الجمال الخارجي
و انا مش بقولك البسي بقة عباية و كده
رغم انك لو لبستي عباية خير و بركة طبعا
لكن عشان الشباب الامور اللي بيحب يعاصر العصر اللي هو فيه
انا عن نفسي
بلبس بنطلون
طبعا واسع ، مش مبين اذا كانت رجلي دي تخينة و لا رفيعة
و فوقيه حاجة كده زي البلوزة ، مش بلبس بادي طبعا ، لانه بيصف الايدين
البلوزة دي انا بجيبها واسعة جدا جدا و عشان بجيب مقاسها كبير
فهي طولها فوق ركبي على طول
انا حتى في البيت مش بلبس حاجة ضيقة
مش بستحمل اصلا حاجة ماسكة على جسمي
نفسي اعرف البنات اللي بتلبس ضيق دي مستحملة ازاي؟
ناس غريبة و الله
المهم
نمسك الرد التاني
دي حرية شخصية
نعم يختي؟ حرية شخصية؟ حنهزر بقة
الحجاب فرض على فكرة
يعني ما فيهوش كلام
زيه زي الصلاة
ينفع تقولي على الصلاة حرية شخصية؟ ها؟
طيب اقري الاية دي كده
قال تعالى: {وَقُل لِّلْمُؤْمِنَـاتِ يَغْضُضْنَ مِنْ أَبْصَـارِهِنَّ وَيَحْفَظْنَ فُرُوجَهُنَّ وَلاَ يُبْدِينَ زِينَتَهُنَّ إِلاَّ مَا ظَهَرَ مِنْهَا وَلْيَضْرِبْنَ بِخُمُرِهِنَّ عَلَى جُيُوبِهِنَّ
وَلاَ يُبْدِينَ زِينَتَهُنَّ إِلاَّ لِبُعُولَتِهِنَّ أَوْ ءَابَآئِهِنَّ أَوْ ءَابَآءِ بُعُولَتِهِنَّ أَوْ أَبْنَآئِهِنَّ أَوْ أَبْنَآءِ بُعُولَتِهِنَّ أَوْ إِخْوَانِهِنَّ أَوْ بَنِى إِخْوَانِهِنَّ أَوْ بَنِى أَخَوَتِهِنَّ أَوْ نِسَآئِهِنَّ أَوْ مَا مَلَكَتْ أَيْمَـانُهُنَّ أَوِ التَّـابِعِينَ غَيْرِ أُوْلِى الإِرْبَةِ مِنَ الرِّجَالِ أَوِ الطِّفْلِ الَّذِينَ لَمْ يَظْهَرُواْ عَلَى عَوْرَاتِ النِّسَآءِ وَلاَ يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ وَتُوبُواْ إِلَى اللَّهِ جَمِيعاً أَيُّهَ الْمُؤْمِنُونَ لَعَلَّكُمْ تُفْلِحُونَ }.
اظن ما فيش كلام بعد كلام ربنا و الاية واضحة و مش محتاجة تفسير
الرد التالت
العمر طويل ادامي
اه اه صح انا شايفاه هناك اهو
و انتي ايش ضمن سيادتك عمرك؟
مش ممكن تموتي بكرة؟ دلوقتي؟ حالا؟.
محدش ضامن عمره
عشان كده نسمع دايما اننا المفروض نسارع في الخير
و اخيرا
شعر عن الحجاب ألفتها صديقتي احببت ان انقلها لكم
احم احم
1
وانيين (اسفة يا احمد حلمي للاقتباس)
3
ما اجمل حجابي
فهو زهرة شبابي
و مصباح في دربي
الى طريق الجنانِ
ابديه حبي
و اظهر له اعجابي
و شكرا لك يا ربي
فأنا الان كزهرة في بستانِ (بوسي)
لا تنسوا التقييم و الردود
افادكم الله و افادني
و السلام عليكم و رحمة الله و بركاته
[IMG]
[/IMG]
قد تكوني مهتمة بالمواضيع التالية ايضاً:
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
رد مع اقتباس
