عنوان الموضوع : الخبز التركي اسهل وارووووع خبز - مطبخ الجزائر
كاتب الموضوع : amira
مقدم من طرف منتديات ايمازيغن
السلام عليكم اخواتي
جبتلكم اليوم نوع من انواع الخبز التركي يحضروه بكثرة في شهر رمضان هش وخفيف وساهل يحتاج فقط الى5د عجن والنتيجة روعة
راح نعطيكم المقادير نتاع قرصة واحدة بحجم خبز الدار لي ينباع في الكوشة
المقادير:
500غ فرينة
150مل حليب دافيء
150مل ماء دافيء
3م ك زيت
م ص ونصف خميرة الخبز
م ك سكر
ملح
بياض بيضة
للدهن نحتاج الى
صفار بيضة ،م ص فرينة،القليل من الماء،جلجلانية
الطريقة:
نخلط الحليب الدافيء والماء الدافيء
في وعاء صغير نحط الخميرة والسكر والقليل من الفرينة والقليل من خليط الماء والحليب نخلط ونغطيهم حتى تطلع الخميرة هنا ضاعفت الكمية لاني عملت زوج خبزات
http://
في وعاء كبير نحط بقية الفرينة والزيت والملح وبياض البيض والصفار نحتفظ به للدهن ونضيف والحليب المتبقي ونفرغ المكونات لي خليناها تختمر
نخلط المقادير ونعجن العجينة لمدة 5د العجينة تكون تتلتص شوية نغطيها ونخليها حتى تختمر
بعدها ندهن البلاطو نتاعنا بالزبدة ونرش عليه الفرينة ونلم العجينة ونشكلها كويرة ونحطها في البلاطو نغطيها بالنيلون ومن فوقه منديل ونخليها ترتاح10 د هذا شكلها بعد ما ارتاحت
http://
نبسطها على شكل دائري مانرققهاش لازم يكون سمكها مرتفع شوية اذا كانت تلتصق باليد ممكن نستعمل شوية فرينة في اليد ونبسطها
نغطيها ونخليها تختمر مرة اخرى حتى يتضاعف حجمها
بعدها نخلط م ص فرينة مع القليل فقط من الماء ثم نضيف صفار البيض ندهن الخبز
http://
بواسطة الاصابع نزينه كيما في الصورة ونعاود ندهنه ونرش عليه الجلجلانية
http://
ندخله يطيب في فرن مسخن مسبقا على200درجة حتى ياخذ اللون الذهبي
وهذا شكله النهائي
http://
http://
http://
نتمنى يعجبكم الخبز وتجربوه ولاتنسوني اخواتي من صالح دعائكن خاصة ونحن في عشر الاواخر من هذا الشهر الكريم
في امان الله
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
رد مع اقتباس
