عنوان الموضوع : الكيكcake ساهل و مجرب و اكيد ناجح
كاتب الموضوع : مريم
مقدم من طرف منتديات ايمازيغن
السلام عليكم و رحمة الله و بركاته
جبتلكم اليوم هاد الكيك اللديد و لى مجربتو شحال من مرة نتمنى تجربوه راهو هايل و غير مكلف
المقادير
4 بيضات كاملين
كاس عادى زيت
نفس الكاس حليب فايض و بارد
8 ملاعق اكل سكر
4 مفارف اكل مايزينة او نشاء
2 باكيات خميرة حلوى
مبشور حبة ليمون+ فانى
و من 8 الى 10 ملاعق اكل فرينة
طريقة التحضير
تخلطى السكر مليح مع البيض بالباتور + الزيت +الحليب +المايزينة +مبشور الليمون و الفانيلا
و فى الاخير الملعقة وراء الاخرى فرينة و انت تخلطى مع الخميرة
تحطيها فى مول خاص بالكيك يكون مدهو مليح بالزيت و تسكبى الخليط نتاعك بعدما تكونى شعلتى على الفرن مسبقا.
ادخليها الفرن مدة الطهى من 25دق حتى 30دق الى ان تشوفيها حمارت من فوق و تحلت فى الوسط افقدى طيابها بادخال سكينة .
شهية طيبة
اليكم الصور
[IMG][/IMG]
[IMG][/IMG]
[IMG][/IMG]
[IMG][/IMG]
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©