عنوان الموضوع : تفسير رؤية الانتقال من غرفة سيئة المنظر الى غرفة احسن منها في المنام- تفسير المنام
كاتب الموضوع : imilla
مقدم من طرف منتديات ايمازيغن

السلام عليكم،،

انا حلمت ان انا واهلي ماشين على سلالم اسمنت مكسرة وبعدين روحنا انا واهلي فندق زي ما يكون مصيف واول ما دخلنا شقة المصيف دي لاقينا الارضية عبارة عن بركة مياة وحشة والسقف كله مكسر وبينزل مياه ومغرق فرش الشقة كله وانا بقول لماما هنقعد ازاي في بركة الميه الوحشة دي وهنام ازاي على السراير وهي مبلولة كده
كلمنا الست المسؤولة عن الشقة ودخلتنا اوضة تانية كانها سويت على بعضه وفرشها حلو اوي وانوارها كلها حلوة ومزهرة وفيها تلاجة فيها لحوم مجهزة طازة بفتيك وكفتة بس كانت نيئة

وبعدين سيبنا الشقة دي ورحنا مكان تاني مفيهوش حاجة وقابلت واحدة هناك اسمها سحر (دي كانت زميلتي في الحقيقة ومتزوجة ومقيمة في الامارات) ومعاها لحوم مجهزة نيئة بس نازل منها دم وانا قلت لماما شفتي سحر شاطرة جابت اكلها معاها ياريتنا عملنا زييها

والحلم خلص على كده


بياناتي:

انا كنت مخطوبة وخطوبتي اتفسخت وخطيبي بعد 6 شهور رجعلي بس للاسف في شوية مشاكل مع باباه وابوه رفض الجوازة خالص وسيبنا بعض تاني

- الحالة الدينية للرائية و من معها . - جيدة الحمد لله

- أسماء من فى الحلم و علاقتك بيهم . انا واهلي

- الحالة الاجتماعية للرائية ( أنسة - مرتبطة - مخطوبة - متزوجة - أرملة - حامل ) . أنسة

- هل تعانى الرائية من هموم أو توتر أو قلق قبل النوم . نعم

- توضيح هل الرائية ترقى أم لا . الحمد لله مواظب على الصلوات وقراءة القرآن

- توضيح هل الحلم حلم عادى أم استخارة . حلم بعد الدعاء بتيسير الحال

قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©