عنوان الموضوع : صينية فراخ ورز بسمتى من مطبخى وبالصور - وصفة من مطبخي
كاتب الموضوع : khouloud
مقدم من طرف منتديات ايمازيغن

السلام عليكم حبيباتى
انهارده انا عملت صنفين كانو حلوين جدا فى طعمهم فقلت لازم اعرفكو الطريقه
الصنف الاول
ارز بسمتى بالبسله والجزر
المقادير
1/2 كيلو ارز بسمتى غامق
1/2 كيلو بسله على جزر
بصله
ملح / فلفل/ كارى /كركم /بهارات
الطريقه
نجيب الرز ونغسله كده


وعالنار نحط البصله تتشوح



هنكون بنسلق البسله نص سلقه



وبعدين هنجيب الرز وننزل بيه عالبصله مع الملح والتوابل



ونقلبه لحد ما يسخن وبعدها ننزل بالبسله كده



ونقلبهم كويس مع بعض ونضيفله الشوربه ونسيبه يتشرب زى الرز العادى ونوطى عليه النار



على فكره البتاعه اللى فى النص دى اسمها لمونه بتتباع عند العطار وبتدى طعم وريحه حلوه للرز

وكده بعد ما استوى




كان طعمه تحفه بالهنا والشفا يارب يعجبكو

ثانيا فراخ شيش طاووق بطريقه جديده من اختراعى
سهله وخفيفه وخالية الدسم

المقداير
فرخه متقطعه شيش طاووق
2 بصله
3حبات طماطم
ملح و فلفل و بهارات الفراخ و كارى وكركم

الطريقه

هنحط البصل والطماطم وجميع التوابل فى الخلاط ونضربهم ده شكلهم بعد الضرب



هنحط الفراخ فى الصينيه ونحط عليها الخلطه السابقه ونتبلها كويس كده



ونحطها عالنار من غير لا زيت ولا سمنه
وده شكلها بعد ما استوت



دلوقتى هنحطها فى الشوايه تاخد وش ونكون بنسخن فحمه عالنار

وبعد ما تطلع من الشوايه هنحطلها الفحمه وعليها معلقة زبده سايحه ونكتم الغطا عشان ريحة الفحم ما تطلعش من الصينيه
وده بيبقى الشكل النهائى ليها بس معلش هيا اتحرقت منى شويه بس والله كان طعمها تحفه




بالهنا والشفا على قلوبكو

قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©