عنوان الموضوع : مقروض الكوشة بالتفصيل الممل - حلويات
كاتب الموضوع : madiha
مقدم من طرف منتديات ايمازيغن

السلام عليكم و رحمة الله تعالى و بركاته
لكم حبيباتي طريقة عمل المقروض نتاع الكوشة و راه جاي العيد و الكثيرات حابين يديروه هاهي طريقته ناجحة 100/100 و يجي هايل
بسم الله نبدا
المقادير
اولا نقي الغرس و نرحية و نضيفله القرفة+قرنفل+جلجلان محمص و نعجنه مليح بماء الىهر حتى يولي طري
نمسح يديا بالزيت و نحربشو و نحطو في بلا مدهون و نغطيه ببلاستيك

العجينة
3كيلات سميد متوسط انا عملت السفينة هايل للمقروض
1 كيلة سمن+زيت اي ثلثي الكيلة سمن و الثلث زيت
جلجلان محمص
ملح مقدار كيلتين فقط
ماء + ماء زهر

نخلط كل المواد و نحك بين اليدين حتى يولي ثقيل كانه مشمخ

نرش الخليط بالماء+ماء زهر و نخلط بالاصابع فقط حتى الحصول على خليط طري و مرمل و حذاري من العجن

نغطيى و نخليه يبات و اذا مزروبة نخليه على الاقل 4ساعات
كي نحب نخدمه اذا لقيتو تشرب الماء نزيد نرشو بالماء حتى يولي طري
ناخذ كمية من الخليط و نسقمها حربوش و نفتحها في الوسطبشكل واد

نحشيها بحربوش غرس

نغلقها مليح و نضغط باه ما تتحلش العجينة و نحربشها حتى تولي بقطر حوالي3سم

نطبعها بالطابع و نقطع بالسكين الحبات

نعاود نسقم الحواف بالطابع

نمرر سكين بسرعة تحت كل الحبات باه نقدر نهزهم و يخسرش شكلهم

نحطه في سنيوة فرن و نطيبو من تحت ثم من فوق حتى يولي ذهبي او ابعثيه للمخبزة

و هاهو طايب و معسل لعيونكم و ان شاء الله تعملوه و ينجحلكم باذن الله

صح فطوركم و صح سحوركم



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©