عنوان الموضوع : قاطو من الزمن الجميل قاطو لاراب - حلويات جزائرية
كاتب الموضوع : admin
مقدم من طرف منتديات ايمازيغن

سلااااااااااااااااام
اليوم جبتلكم قاطو لاراب او قاطو السكرفاج علابالي معظمكم اذا ما قلتش كامل ديروه بصح كل واحد عندو طريقتو
اما طريقتي كالاتي .
المقادير . 8بيضات .رطل سكر.نص لتر زيت .3 خميرة نوارة .بشر ليمون .فرينة
بالباتور نخفق 8 بيضات مع رطل سكر ملييييييييييح حتان يبياض الخليط ويتضاعف حجمو لازم .
من بعد نضيف نص لتر زيت ونزيد نخفق مليح ونزيد برش ليمون و3 خميرة قاطو ونبدا نضيف في الفرينة بالشوي
نبقى نزيد في الفرينة بالشوي حتى يبدا يحكم روحو نخليوه طري .اطرى من الصابلي .
نحيو منو طرف قد حبة التشينة الكبيرة ونزيدولوا الفرينة حتى ينشف شوي ماشي بزاف كون تيبسوه من بعد ييبس .هذا الطرف لي راح نرابيوه من فوق
ندهن بلاطو تاع الفور الكبير بالزيت مليح ونحل العجينة فيه ونعدلها وندخلو يطيب يحكم روحو برك
كي يحكم روحو نجبدوه وندهنوه بالمعجون الكمية حسب الذوق
ونرابي فوقو العجينة الصغيرة وندخلوه يطيب من تحت ثم من فوق
وهاهو قاطونا واجد .شوفو كيفاش يجي طري وطالع وبنييييييييين
صدقوني روووووووووعة
ملاحظة . الكمية هاذي تاع بلاطو كبييييير تاع الفور
القاطو هذا يتخبى مدة لاباس بيها .فقط ديريه في بورت مونجي مقفولة يبقى رطب
في الاخير نتمنى تجربوه وتردولي الخبر
في امان الله




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©