عنوان الموضوع : مترميش ازازة الكلوركس وتعالي اقولك تعملي بيها ايه
كاتب الموضوع : hanan
مقدم من طرف منتديات ايمازيغن

السلام عليكم اخباركم ايه ياثيمازيغين
النهردة جبتلكم فكرة حلوة شفوها واوعوا تنسوا التقيم ياسكرات
محتاجاه ازازة كلوركس زى دى

ومقص وقطر ومسدس شمع

وشرايط ستان

أول حاجه خالص يا ثيمازيغين نقطع الازازة من فوق زى كده


بعدين باستخدام القلم والمسطره ونعمل خطوط بالطول حوالين الازازة زى كده

وبالمقص نقصهم بالطول برضه زى كده

وده الشكل النهائى بعد ما قصيناهم

بعدين ناخد كل شريط منهم ونلزقه بمسدس الشمع زى ما الصورة موضحة كده



بعدين تجيب الجزء اللى فوق من الازازة ونقص منه شريط زى كده

ونساويه كويس لحد ما يبقى كده

ونركنه على جنب ونيجى دلوقتى للسلة بتاعتنا
نجيب ستان اللون اللى عايزينه وندخله بالشكل ده

ونفضل ماشيين بنفس الطريقه


وبعدين نجيب شريطة ستان ونربطها تحت خالص عشان ندارى مكان لزق المسدس زى ما الصورة موضحه

بعدين نيجى بقى للشريطة اللى قطعناها هتبقى ايد السله
نلف عليها الستان بالطريقه دى


بعدين نلزقها فى السله من بره بالمسدس الشمع


وبعدين نجيب ستان ونعمل شكل فيونكه كده

ونلزقها على ايد السلة انا لزقتها ولزقت عليها زرار كان عندى عشان يدى منظر يعنى
وده الشكل النهائى


اتمنى يعجبكوا المضوع ومتنسوش التقيم ياسكرات في حفظ الله.

قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©