عنوان الموضوع : مرقة عدس - اكلة جزائرية
كاتب الموضوع : amira
مقدم من طرف منتديات ايمازيغن

اليوم عملت كالعادة مرقة عدس بطريقة اخرى ان شاء الله تجربيها وفيه فيتامينات تنفع جسمك
تديري مقدار العدس اللي حابة تديريه في طنجرة وتضعي فوقه الماء المغلي وتخليه شوية من بعد تصفيه وديريه في كاسرول+حبة (بطاطا +قرعة+جزر+بصل+طماطم )+سنات ثوم+ملعقة كبيرة زيت وطماطم مصبرة+شوية زعيترة+ملح وتضعيهم على نار متوسطة وتحمري الخضر مليح وتكتكيهم جيدا



ثم تضفي كاس ماء مغلي+توابل مشكلة+كمون+ورقة رند وتخليهم شوية

بعدها تضيفي حشاوش وتزيدي الماء الطابخ

وتسكري عليها وخليهاطيب مليح

بعد ما طيب خليها شوية تبرد وارحيها بالميكسور اذا جاءت المرق عاقدة الله يبارك واذا جاءت شوية جارية ديريها فوق النار حتى تعقد

والله ما تشبعي منها حتى انها مليحة للأطفال وشهية طيبة وما تنساونيش بدعائكم



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©