عنوان الموضوع : شخشوخة الكسرة .. اذا مازال الحال بارد عندكم تفضلوا.. - طبخة جزائرية
كاتب الموضوع : khouloud
مقدم من طرف منتديات ايمازيغن


السلام عليكم
هذي اكلة تقليدية تندار خاصة في البرد وتشبع... وكل لاواحد كيفاش اسميها
بالشاوية وفي عرشنا اسموها " بازين " واخرين " الربوز " وبلا ما نطول تفضلوا





المقادير /
* حبة بصل * 04 سنينات ثوم * حبة طماطم * 1/2 مغرفة طماطم مصبرة
* شحمة قديمة (ما فيهاش ريحة بزاف ) * فلفل احمر يابس * زيت * ملح * توابل
* 02 بطاطا * كابويا وقرعة ( انا ما ستعملتهمش لانو ما حضروش )
الطريقة /
تسكرفجي البصل والطماطم وتهرسي الشحمة مع شوية ملح وثوم وفلفل احمر اليابس
وتحطيهم يتقلاو في شوية زيت امبعد تقصي الخضرة انتاعك بعد ما تنظفيها الى دوائر
ولا كيما بغيتي وتزيديهم مع الطماطم المصبرة وبعدها تمرقي وما ديريش بزاف الماء قيس ما طيب الخضرة انتاعك
وكي طيب حطي فلفلة خضرة فوقها باش تعطيلها النكهة
*** الكسرة عادي خبزيها بصح ما تبسسيهاش غير الماء والملح وكي تطيب هكاك سخونة هرسيها شوية وكملي فتتيها بيديك باش يكون الفتات متوسط
وسقيها بالمرقة اللي طابت مع شوية دهان ولا سمن وتزينيها بالبيض المشرشم وتاكليها بالفلفل الطرشي ولا البصل انتاع الشلوط ....طولت عليكم
سمحولي ان شاء الله تعجبكم وتجربوها

تحياتي للجميع




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©