عنوان الموضوع : سابلــــــــــــــي المورانغ <> Sablés meringués - قاطوات جزائرية
كاتب الموضوع : imilla
مقدم من طرف منتديات ايمازيغن
واش راكم راني جبتلكم سابلي المورانغ لعيون أحبتي وللأخوات كاااااامل نتمنى تجربوه راح يعجبكم بدون اطالة
~~ المقاديـــــــــــــر ~~
- 500غ مارغارين بدرجة حرارة الغرفة
- نص كاس زيت
- اربعة صفار بيض
- رشة ملح
- Zest
- كيلي نصف علبة نتاع المارغارين سكر ناعم
- 2 خميرة كيميائية
- علبة المارغرين كيليها نشاء و الباقي فرينة
~~ الطريقة سهلة ~~
اخدمي العجينة عادي و خليها ترتاح 30 min
اطبعي الشكل لي تحبي انا نحب الزهرة تاع كتاب القراءة هههههه بارتفاع 8 mm
بياض البيض لي بقالك من الصفار دريلو الملح و حطيه في الإناء لي تحطيه فوق bain marie ربي يذكرها بالخير
أختي تعمل الحلويات للناس قاتلي حطيه في إناء بلاستيك و غلي الماء و وجدي 16 ملعقة سكر عادي كي يغلي الماء طفي و حطي إناء بياض البيض بداي تخبطيهم و تضيفي في السكر حتى تطلع
Technique تاع الصيف فقط هههههه
حطي الميرانغ في الكيس الحلواني و شعلي الفرن 180° و طيبي القاطو نص طياب و اجبديه ديري فوقه الميرانغ في pétales تاع الزهرة و خلي الوسط
رديها للفرن و نقصي للفرن و طلعي الصينية و ديري عفسة الفرن المفتوح جزئيا يعني استعملي ألمنيوم باه يبقى مفتوح شوي و هذا باه الميرانغ ما طيبش حمرة كي طيب يعني تجمد خرجي القاطو هاهو طايب بالمورانغ واجد
كي يبرد ديريلو المعجون على الجوانب بال pinceau و ديريلو الكاوكاو محمص و مرحي
في وسط الزهرة لوني المعجون بالأحمر و حطيه في وسط الميرانغ وهاهو شكلو الاخييييييـــــــــر
.....
.....
.....
.....
ان شاء الله يعجبكم وتجربوه هاذ العيد وتدعووولي
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©