عنوان الموضوع : محتاره ونفسى افهم- تفسير حلم
كاتب الموضوع : مريم
مقدم من طرف منتديات ايمازيغن

السلام عليكم ورحمه الله وبركاته
انا متقدملى عريس فى الفتره دى ولسه مردتش بالموافقه او الرفض
المهم ان اخواتى البنات من فتره قريبه ( قبل ما يتقدم العريس ) بيحلمو لى احلام غريبه
اختى الاصغر منى حلمت انى عروسه بس فى الكوافير وهى بتدور على فستانى ومش لاقياه ومش عارفه تعمل ايه وفى الاخر لقيت الفستان ولونه كان بمبه وواسع خالص وشكله حلو وهى فستانها اتقطع بس جبتلى الفستان وهى فستانها مقطوع ومش لابسه جزمه .
اختى الاكبر منى حلمت انى عروسه ولابسه فستان الفرح بس مفيش فرح وان العريس مش راضى يخلينى اروح كوافير او احط مكياج وفى الاخر حطيت مكياج خفيف جدااا وانها هى مش قادره تروح فرحى عشان فستانها ضايع .
وواحده زميلتى فى الدراسه حلمت انى انا وهى قدام طريق زى الصراط الناس بتقول عدى وهى مش راضيه لكن انا عديت بسرعه جداا .
وانا دلوقت صليت استخاره وحلمت بالمرحومه تيتا اسمها (عزيزه ) وهى فى الواقع اغلى حد عندى
حلمت ان الحضانه بتتهد ( العريس شلفنى فى الحضانه يعنى جى عن طريق الحضانه ) المهم حلمت ان الحضانه بتتهد وانا مقدرتش انجى حد منها غير تيتا والغريب انها كانت بتغنى اغنيه عن الوداع وركبتها زى عربيه كارو
انا مش فاهمه حاجه خالص .
ارجوكى ردى عليا هل ده له علاقه بالشخص اللى متقدملى وهل اوافق ولا ارفض هو لو فكرنا بالعقل مميزاته كويس جداا لكن انا محتاره

قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©