عنوان الموضوع : طريقة اخرى للدجاج محمر و لكن فالكوكوطة مممممم - من المطبخ الجزائري
كاتب الموضوع : admin
مقدم من طرف منتديات ايمازيغن



السلام عليكن و رحمة الله و بركاته أتمنى ان تكن في أحسن الأحوال حبيباتي

إليكن طريقة من طرقي المختلفة في تحضير الدجاج المحمر فالكوكوطة

نبدأ أولا بالمقادير

قطع دجاج طبعا منقي و مغسول بالما و الخل و مقطر
حبة بصل مقطعة شراءح
5 أو. 6 فصوص ثوم مقطع شراءح
حبة طماطم مقطعة قطع متوسطة ( اختياري)
م ص موتارد أو خرذل ( اختياري )
ورقات رند
بسباس النجمة حبات منها فقط مشي النجمة كاملة
ملح فلفل اسود
نصف م ص كمون
زيت



نأتي الى الطريقة

نحط الزيت تقريبا 6 أو 7 ملاعق اكل في كوكوطة و ندير بالترتيب البصل الدجاج الثوم الطماطم و التوابل و نقلي على نار اقل من متوسطة مع التقليب حتى تولي الروائح الزكية مفحفحة فالكوزينة ممممم هههههه


نمرق بالما قيس ما يتغطى الدجاج و نغلق الكوكوطة و نخليه يطيب على نار متوسطة و نعسه راه بلخف يطيب
مين يطيب و الصلصة تنشف ننقص للنار و نحمر الدجاج فالزيت تاعه يعني لي طاب فيه على الجهتين و نحاذر مين نقلبه باش ما يفسدش

نقدمه بطريقة مرتبة فالصحن مع البصل و الثوم و الطماطم لي طابو معاه و راها بنة مممممممممم لا تقاوم هههههه
تقدري تقدمي معاه طبق جانبي انا قدمته مع بطاطا جريوات تاع الغالية ام يسرا مممممممم


نتمنى تعجبكم الوصفة و تجربوها حبيباتي راها سهلة و ما تأخذش الوقت و بمقادير بسيطة



والى اللقاء في وصفة اخرى بإذن الله و دعوة خير بزاااااف عليا



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©