عنوان الموضوع : تعالي وشوفي شعرك كيف يتغير من اول تجربه لتعتني بشعرك
كاتب الموضوع : salima
مقدم من طرف منتديات ايمازيغن

تعالي وشوفي شعرك كيف يتغير من اول تجربه



شخباركم عساكم بخير

بنات انا شعري خفيف وتعبان ومتقصف

وكل ما سويت له سشوار يصير مو حلو لازق براسي من كثر ماهو خفيف

وعندي تساقط بشكل كبير

عاد قلت ماكو الا اجرب شي دايما اسمع عنه ويمدحونه

رحت العطار وشريت سدر مطحون

وشريت زيت حبة البركه (( الحبه السوده ))

وشريت حمام زيت فاشكول بالثوم

المهم حطيت نصف العلبه في قرشه من نايلون وصبيت فيه 3 ملاعق زيت الحبه السوده

وصبيت عليهم ماي حاااااااار خضيته لييييين تأكدت انه السدر صار مثل الحنه حق الشعر نفس الثقل

المهم خليته 3 ايام يتخمر بالحمام لا يحوشه شمس ولا هوا وكل ما امر صوبه احركه واخضه

ومن اول مره حطيته على شعري 3 ساعات بعدييين غسلت شعري بالشامبو وبعدين حطيت حمام زيت بالثوم

قعدت فيه 10 دقايق لان الشعر يكون ناشف وايد بعد السدر وغسلت شعري بس بالماي

رحت نشفته وسويت قذلتي سشوار والله بنات لقيت شعري يهبببببببببببببببل ثقييييييييييل وايد والتساقط عندي خف بشكل ملحوظ

ولمعته حيل حلوه والكل يسألني شنو مسويه

حبيت انقل لكم تجربه بسيطه يمكن تفيد غيري ويمكن تذكر الي ناسيه

و الله يوفق الجميع

(منقووووووووووووووووووول لعيونكم



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©