عنوان الموضوع : كريمة مقلية من مطبخي كيك من المطبخ الجزائري
كاتب الموضوع : mira
مقدم من طرف منتديات ايمازيغن
السلام عليكم
واش احوالكم لباس ؟؟؟؟؟؟؟؟
ليوم درت كريمة مقلية جربتها من كتاب
عجبني بزاف
نتمنى تعجبكم انتوما تاني
المقادير:
نصف لتر حليب
م/ص فانيليا
125غ سكر+ 125 فرينة +قرصة ملح+8بيضات 70غ زبدة
خبز مرحي
نغلي الحليب مع فانيليا
نخلط الفرينة مع السكر والملح وبيضتان وصفار 4 بيضات ونزيدو ليه الحليب الدافئ شيئا فشيئا مع مواصلة الخلط
نحطها فوق النار حتى تعقد الكريمة
وفي الاخيرنزيد الزبدة 30غ ونخلطها
نضع الكريم في قالب مدهون يكون مربع الشكل
ونذوب ماتبقى من الزبدة وندهنوا بها الكريم ونحطوها في الثلاجة حتى تجمد
ثم نقصوها مربعات ونغطسها في البيض ثم الخبز المرحي ونقليها في الزيت يكون ساخن .
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
رد مع اقتباس
