عنوان الموضوع : بالصور اسهل واوفر الطرق لتزيين اى طورته يالى بسرعه - حلويات
كاتب الموضوع : admin
مقدم من طرف منتديات ايمازيغن

وقبل ما نبدأ، إنتِ عليكي تختاري الكيكة اللي بتفضّليها؛ سواء كانت كيكة بني (شيكولاتة أو كاكاو) أو كيكة عادية، وبعد كده ابدئي في التزيين بأي نوع من أنواع الكريمة اللي هنعرف طريقتها دلوقتي.


كريمة الشيكولاتة
المقادير:الطريقة:
1- حطّي قطع الشيكولاتة في حمام مائي ساخن لحد ما الشيكولاتة تسيح تماما.

2- اخفقي الزبدة في المضرب الكهربائي لحد ما تبقى خفيفة جدا، وابدئي حطّي السكر تدريجيا، واضربيهم مع بعض، لغاية ما يتجانسوا تماما، وبعد كده ضيفي الكريمة اللباني مع الاستمرار في الخفق.

3- ضيفي الشيكولاتة السايحة والملح على الخليط اللي عملتيه، مع التقليب لغاية ما يتجانسوا مع بعض، وبكده يبقى عندك كريمة بالشيكولاتة تقدري تفرديها على أي كيكة تحبّيها.

*****************





كريمة الكراميل لها مذاق وشكل مميز جدا



كريمة الكراميل
المقادير:
الطريقة:
1- اخفقي الزبدة بالمضرب الكهربي كويس جدا لحد ما تبقى خفيفة جدا.

2- ضيفي السكر تدريجيا على الزبدة مع التقليب، وبعد كده ضيفي الفانيليا وصوص الكراميل والملح، واضربيهم كويس جدا مع بعض، وبكده يبقى عندك كريمة بالكراميل تقدري تفرديها على أي كيكة تحبّيها وتزيّني بها.

لتحضير صوص الكراميل:
اخلطي كوب سكر بودرة مع نصف ملعقة صغيرة قرفة في حلة على نار هادية، وسيبيه لمدة 10 : 15 دقيقة، مع تحريك الحلة من وقت للتاني لغاية ما السكر يبقى لونه دهبي مش فاتح أوي ولا غامق أوي، وبعد كده ضيفي عليه كوب ونصف لبن بارد، بس خلّي بالك لأنه ممكن يفور، وقلّبي كويس لغاية ما اللبن يتجانس مع السكر، وبعد كده ضيفي نصف كوب تاني من اللبن ونصف ملعقة كبيرة زبدة، وقلّبي كويس وارفعيه من على النار.

*****************





كيكة مزيّنة بكريمة الليمون



كريمة الليمون
المقادير:الطريقة:
1- اخفقي الزبدة في المضرب الكهربي لحد ما تبقى خفيفة جدا، وبعد كده ضيفي السكر تدريجيا مع الاستمرار في الخفق لغاية ما يتجانسوا تماما مع بعض.

2- بعد كده ضيفي بشر الليمون والملح، وقلّبيهم مع بعض كويس، وبكده يبقى عندك كريمة بالليمون تقدري تفرديها على أي كيكة تحبّيها وتزيّني بها.

*****************





ممكن تزيّني الكيكة بكريمة القهوة والشيكولاتة



كريمة القهوة
المقادير:الطريقة:
1- اخفقي الزبدة بالمضرب الكهربي لحد ما تبقى خفيفة جدا، وبعد كده ضيفي السكر تدريجيا مع الاستمرار في الخفق لغاية ما يتجانسوا تماما مع بعض.

2- ضيفي النسكافيه والفانيليا والملح على خليط الزبدة والسكر، واخفقيهم بالمضرب كويس لغاية ما يمتزجوا، وبكده يبقى عندك كريمة بالقهوة تقدري تفرديها على أي كيكة تحبّيها وتزيّني بها.

*****************





ممكن تزيّني الكيكة بكريمة الفانيليا والفاكهة



كريمة الفانيليا
المقادير:الطريقة:
1- اخفقي الزبدة في المضرب الكهربي، وضيفي السكر عليها تدريجيا مع الخفق، وبعد كده ضيفي الملح والفانيليا وامزجيهم كويس مع بعض، وبكده يبقى عندك كريمة بالفانيليا تقدري تفرديها على أي كيكة تحبّيها وتزيّني بها.

*****************





ممكن تستخدمي حشوة الليمون مع كريمة الليمون



حشوات لتزيين التورتة
ودلوقتي بعد ما عملنا أكتر من نوع من الكريمة ممكن نفردهم على الكيكة علشان تدينا شكل وألوان مختلفة، هنعمل بعض الحشوات اللي ممكن نزيّن بها الكيكة من فوق.

حشوة الليمون
المقادير:الطريقة:
1- حطّي البيض في طبق غويط، واضربيه بمضرب سلك، وضيفي السكر تدريجيا وبشر الليمون وعصير الليمون والملح، مع الاستمرار في التقليب.

2- حطّي الخليط ده في حمام مائي ساخن، وقلّبيهم كويس لمدة ربع ساعة لحد ما كثافته تبقى عاملة زي المايونيز.

3- حطّي الخليط ده في الثلاجة بس لازم تغطّيه كويس، وسيبيه لمدة ساعتين على الأقل ويومين على الأكثر، وبعد كده استخدميه في تزيين الكيكة.

*****************





ممكن تستخدميها مع كريمة الشيكولاتة



حشو الفراولة
المقادير:الطريقة:
1- حطّي الفراولة في المضرب الكهربائي، وحطي عليها المربى وذرة الملح، واضربيهم كويس لحد ما قطع الفراولة تسيح تماما.
يارب يكون عجبكم وتقييمونى

قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©