عنوان الموضوع : مايوناز باسهل طريقة ونااااااجح مية في المية - طبخ جزائري
كاتب الموضوع : inzou07
مقدم من طرف منتديات ايمازيغن

اولا اخواتي ناخدو حبة بيض ومشي شرط تكون دافية تقدري بطريقتي هادي تستعمليها من الثلاجة مباشرة
كاس زيت عادي
شوية ملح
ملعقة خردل وممكن الاستغناء عليها
وملعقتين حتى تلات ملاعق خل
الطريقة
حطي حبة البيض في الطاس الي يجي مع bras وحطي معاه قرصة الملح وتاني ملعقة الخردل ادا حبيتي تستعمليها وفرغي كامل كاس الزيت فوق البيض بصح بشرط بلا ما تخلطي هادو المكونات وخليها حتى تشوفي حبة البيض هبطت مليح في الطاس بعدها حطي bras بشوي فوق هاديك حبة البيض يعني تشديها بهاداك الbras من بعد ابداي تضربي بلا ما تحركيه لمدة خمس دقايق تلقاي انو المايوناز بدات تتكون وتطلعلك للفوق في هاديك الاثناء ابداي تحركي ال bras ديالك للفوق بشوي حتى تكملي كامل هاديك الزيت ضربيها حوالي 3 دقائق وزيدي عليها الخل وضربي باش يكون لونها ابيض وطرية بعدها حطيها في قارورة واستعمليها
هادي الطريقة ناجحة مية بالمية المهم انكم bras ما يتحركش من فوق حبة البيض
والمرة الجاية راني نحطلكم الطريقة بالصور باذن الله
ردودكم اخواتي وخاصة الي يجربو طريقتي



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©