عنوان الموضوع : خبز البانيني مع سندوبشات بالتفاصيل+اظهار الصور - من المطبخ الجزائري
كاتب الموضوع : salima
مقدم من طرف منتديات ايمازيغن
السلام عليكم و رحمة الله و بركاته
جبتلكم ليوم وصفة هاااايلة لخبز البانيني مع سندويشات
كيفية تحضير الخبز
المقادير
500غ فرينة
4 مغرف كبار زيت
مغرف و نصف خميرة الخبز,,,,,مغرف كبيرة
مغرف كبيرة سكر
مغرف صغيرة محسن اد وجد
نصف مغرف كبيرة ملح
ماء فاتر للعجن
ااولا نخلط الفرينة و السكر و الملح و2مغارف زيت جيدا تم نضيف الخميرة و المحسن
و نعحن بالماء لما تتشكل العجينة نضيق 2مغرف تع زيت الباقيين و نعجن بيهم مليح
العجينة تكون طرية و تلتصق
نغطيها و نخليها تختمر حتى تتضاعف انا خليتها ساعة كاملة
تم نحطها على طاولة مدهونة جيدا بالزيت و نشكلها
نعاودهلها التخمير حتى تتضاعف
و نطيبهم في فرن مسبق التسخين ونطيبهم على بياض
نجهز اللحم
انا قبل بليلة تبلت السكالوب في
زيت وملح و ملفل و توابل و عصير ليمون و هريسة و توم و خليتهم ليلة في التلاجة اليوم الموالي شويتهم و قطعتهم
كان عندي قرعة و فلفل حلو وشومبينيون
تبلتهم في شوية زيت زيتون وملح و فلفل و توم مبشور و شويتهم
و حشيت السندويشات حسب رغبة كل واحد
ماحطيتش سلطة ومايونيزلان الاولاد ما يحبوهاش وايصا الحار
و شويتهم في الشواية
و تكوني وفرتي لاهل بيتك و خاصة اولادك اكلة صحية و غنية وكما اللي يشوفوها برا و يحبو يشروها
لكن تحضيرها في البيت أصح و أأمن طبعااا
تحياتي
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©