عنوان الموضوع : جواز خفيف وبنين
كاتب الموضوع : kamiliya
مقدم من طرف منتديات ايمازيغن

السلام عليكم اليوم درت جواز هايل خفيف وبنين وحبيت نشارككم الوصفة والتجربة

جبت ربع حبات بصل قليتهم ف شوية زيت بعدما تبلتهم بالملح والفلفل الاكحل وراس الحانوت


وجبت ربع حبات طماطم قطعتلهم دوائر ونحيتلهم الزريعة وقليتهم ف شوية زيت مع خمس سنينات ثوم ودرتلها الملح والفلفل الاكحل وراش الحانوت




حكمت كيلو بطاطا تقريبا قطعتها دوائر ودرتلها الزيت والملح والفلفل الاكحل وراس الحانوت وحطيتها ف مول تاع الفور ودرتلها البصل والطماطم ومقدار زوج كيسان تاع الما وحطيتها ف الفور تطيب بعقلها




للاسف صورتها بصح انا عضوة جديدة وقالولي لازم تلاتين مشاركة باش تقدري تحطي صور


كنت نتمنى تشوفو كيفاش خرجت والله غير هايلة وبنينة بزاف واقتصادية تاني وتوالم كامل العائلات




بصحتكم حبيباتي


متنساونيش من دعواتكم



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©