عنوان الموضوع : تعبت من شغل البيت??????? - ثقافة منزلية
كاتب الموضوع : khouloud
مقدم من طرف منتديات ايمازيغن

تعبت من شغل البيت???????

تعالي واتفضلي مش تخسري...

الشغل كتير عليكي ومش ملاحقة على شغل البيت?
وحاسة انك مش قادرة تعملي حاجة في البيت?
كنس--مسح-طبخ-تحضير الاكل للاولاد-غسيل المواعين-غسيل اللبس-كوي اللبس بعد غسيلها-تنفيض وتلميع-تربية الاولاد-طلبات الزوج او والدك ووالدتك?
واخر اليوم تلاقي نفسك مجهدة جدا ونفسك السرير ييجي لغاية عندك
وتقومي تاني يوم في نفس الموال انا بقى بصراحة كنت باعاني من تراكم شغل البيت عندي وبقيت باتعب من اقل حاجة
ونفسي انفض وامسح مبقدرش والاقي اليوم خلص بسرعة وتعبت من شغل البيت اليومي
فافتكرت حاجة كنت عرفتها من كذا سنة وكنت باعملها من زمان وكنت والله اقوم نشيطة واعمل كل شغلي بسهولة بس بقالي شهور كتيرة ناسية الموضوع
فالحمد لله ربنا فكرني بيه من تاني

ورجعت تاني اعمله من كم يوم والحمد لله بقيت أقوم انشط من الاول واخلص شغل البيت اللي ورايه ومش ابتعب اوي
زي الاول ما شاء الله لا قوة الا بالله وقلت كويس اني افتكرت الموضوع
ايه بقى الموضوع اللي باقول لكم عليه ؟

إيه هو يا ترى اللي يخليكي تعملي شغل بيتك بسهولة ويسر وبدون تعب ؟!
هاقول لك على حاجة بسيطة
ومش مكلفة واحسن لك من الخدامة !!!

من كم سنة سمعت حديث عن رسول الله صلى الله عليه وسلم
وجربت الكلام اللي ورد في الحديث
وفعلا بقيت الحمد لله باقوم نشيطة واعمل كل شغل البيت
واليوم اللي انسى اعملها والله تلاقيني مش نشيطة
وكسولة وعندي خمول

ايه هو الحديث ده ؟
حديث جميل جدا وتطبيقه سهل اوي
كانت السيدة فاطمة -رضى الله عنها-
تقوم على خدمة زوجها وأولادها، ورعاية البيت، فكان يصيبها التعب والمشقة،
وقال عنها زوجها على بن أبى طالب: لقد تزوجتُ فاطمة وما لى ولها خادم غيرها،
ولما زوجها رسول الله( أرسل معها بخميلة ووسادة أدم حشوها ليف،
ورحاءين وسقاء وجرتين، فكانت تجرُّ بالرحاء حتى أثَّرت في يدها،
واستقت بالقربة حتى أثَّرت القربة بنحرها،
وكانت تنظف بيتها حتى تغبر ثيابها، وتوقد تحت القدر حتى دنست ثيابها.
وكانت السيدة فاطمة -رضى اللَّه عنها- تشكو الضعف،
وتشارك زوجها الفقر والتعب نتيجة للعمل الشاق الذي أثَّر في جسديهما.
وعندما جاءت أباها لتطلب منه خادمة تساعدها في العمل لم تستطع أن تطلب ذلك استحياء منه،
فتولى الإمام على عنها السؤال وهى مطرقة في استحياء.
لكن الرسول ( قال لهما في رفق وهو يقدر حالهما:
"ألا أدلكما على ما هو خير لكما من خادم؟ إذا أوتيما إلى فراشكما،
أو أخذتما مضاجعكما، فكبِّرَا أربعًا وثلاثين، وسبِّحَا ثلاثًا وثلاثين،
واحمدا ثلاثًا وثلاثين، فهذا خير لكما من خادم"
[البخاري].

شفتوا يا بنات السيدة فاطمة تعبت من عمل البيت
وجاءت الى الرسول تطلب منه خادمة
وكانت قد علمت انه هناك رقيقا قد اوتي بهم إلى الرسول صلى الله عليه وسلم
ومع ذلك لم يعطها منهم شيئاً وهي من أحب أهله إليه ،
بل علمها ما هو خير لها مما سألته
حيث أمرها أن تسبح عند النوم ثلاثاً وثلاثين
وتحمد الله ثلاثاً وثلاثين وتكبره أربعاً وثلاثين .

يعني رسولنا صلى الله عليه وسلم كان يستطيع أن يعطي ابنته الحبيبة خادمة تخدمها وتريحها من عناء العمل
ولكنه صلى الله عليه وسلم علمها هذا
لانه يعلم ان هذا الذكر افضل لها وخير لها من الخادم
ليس هذا فقط ،
بل إن من يداوم عليه يجد قوة في بدنه تغنيه عن الخادم
فعلا والله صدقت يا رسول الله .
والله عن تجربة في اليوم اللي اذكر ده قبل النوم اصحى نشيطة
وشغل البيت سهل لكن الايام اللي بانسى فيها باقوم
اكون كسلانة واطبخ واروق واغسل بالعافية
والله صدقت يا رسول الله .
وجربي وانتي تعرفي الفرق بنفسك
قبل ان تنامي "سبحي ربك ثلاث وثلاثين واحمدي ربك ثلاثا وثلاثين
وكبري ربك اربع وثلاثين وتلك مائه كامله
وستصبحي باذن الله في قوه ونشاط
وبركه من الوقت
وهذا خير من خادم
وكمان بقى ياريت لو بعد لما تصحي الصبح
تاخدي كوب ماء عليه ملعقة عسل نحل تدوبيها في الماء
بملعقة عكس اتجاه عقارب الساعة
يااه بقى عملتي الذكر اللي وصانا بيه الرسول اللي خير لكي
من خادم وقمتي شربتي كوب ماء بعسل اللي بيعطي النشاط والحيوية
هتشوفي بقى هتخلصي شغل بيتك بكل سهولة وبدون تعب او ارهاق
واعملي ده بس بيقين وده عن تجربة لي والله
وربنا يعينكم كلكم على شغل البيت وتربية الاولاد
موضوع جميل
حبيت انقله لكم
لعلكم تنتفعوا
دمتم في امان الله
منقول للأمانة



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©