نصيحة من وحدة جابت الباك العام الماضي لتحضير الباك

[مريم]

عنوان الموضوع : نصيحة من وحدة جابت الباك العام الماضي لتحضير الباك
كاتب الموضوع : مريم
مقدم من طرف منتديات ايمازيغن

السلام عليكم يا les futurs bacheliers ان شاء الله
ان شاء الله تكونو بخير في صحتكم, اعرف انكم راكم ربما تكونو مقلقين خاصة في هذه الفترة, وكاين ناس ماراهيش مقلقة كيما كانت حالتي العام الماضي
شوفو ياجماعة الخير كاينة حاجة ديروها اليوم قبل غدوة, خاصة للذين يظنون انهم ليسوا محضرين بما فيه الكفاية, اجمعوا مواضيع كل المواد للباكالوريات الرسمية من 2015-2015 وبداو في حلهم, الحاجة اللي لازم تركزو عليها هي " تحليل نوعية الاسئلة والتمارين ", احكمو مواضيع تاع الرياضيات وشوفو نوع التمارينات المطروحة الواحد لي خدم تمارينات بزاف في الرياضيات يلاحظ بلي نفس الافكار تتعاود تطرح, ولي مازال ماكترش من التمارينات يروح من دركة يحل تمارينات نفس النوع لان الرياضيات تــــــــتــــفــهــم بكثرة التمارينات,
بالنسبة للعلوم السر هو انكم لازم تفهمـــوا الدروس نقطة بنقطة لاوم تعاودو تقراو الافكار الموجودة في الكتاب وتتناقشو فيها بينكم وبين نفسكم وتشوفو طريقة التحليل والتفسير اللي عطاهالكم شيخ وتجربوا تفهموا كيفاش شيخ جاب الفكرة هكدا باش تتعودوا على التفكير الصحيح, العلوم لاتحتاج الى كثرة التمارينات, العلوم تحتاج الى الفهم الجيد للدرس لان الدرس هو كل شيء في العلوم, والتمارين هي للتمرن, العلوم يلزمها مناقشة نقطة بنقطة مع الاستاذ
ابداو من اليوم اضربو طلة على الدروس والحاجة لي مافهامتوهاش روحوا تناقشو فيها مع الاستاذ تاع ليكور او استاذ الثانوية او حتى الاصدقاء لان المناقشة ولازم تسال الاستاذ يفهمك كيف توصل الى الاجابة هكدا تتعلموا طريقة التفكير
اما المواد الادبية انا نقوللكم روحوا ديرو ملخصات للتاريخ والجغرافيا بنفسكم وبداو من دوكة كاين جروس سامطة بصح كي ديرولها ملخصات وتزوقوهم يرجعو ساهلين للحفاظة. وضربوا طلة على المواضيع الرسمية للباكلوريا لان كاين بعض الاسئلة تتعاود
بالنسبة للغة العربية ايضا لازم تقراوها مليح لانها سهلة وتقدرولها ان شاء الله شوفو مواضيع الاعوام الماضية رايحين باذن الله تلقاو اجابات لبعض تساؤلاتكم
ماتخافوش الباك ان شاء الله يكون ساهل وعندكم la preuve في المواضيع تاع البكالوريا السابقة
ان شاء الله ربي يوفقكم وينجحكم
لكل تساؤل انا هنا باذن الله
وتكلوا على ربي
ماتتهاونوش مازال باقي وقت على التحضير, مازالو شهرين في يديكم اعرفوا كيفاش تستغلوهم كيتشوفو مواضيع الباك 2015 رايحين تفهمو علاش راني نقوللكم هكدا والله ماراني نتمسخر بيكم =)



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©