عنوان الموضوع : اول يوم بالمدرسة اعمل ايه ؟؟ موضوع شامل عن كل حاجة تخص اول يوم في الجز- تعليمي
كاتب الموضوع : imilla
مقدم من طرف منتديات ايمازيغن

السلام عليكم كل عام وانتم بخير
هنتكلم النهارد عن
الاستعداد اول يوم مدرسة وهنقول هنعمل فيه ايه اول يوم مدرسة وهنقول نصايح عشان تبقي محبوبة وشطورة في المدرسة يعني من الاخر هنقول كل حاجة عن الاستعدادات
اولا
لازم نجيب لبس المدرسة ونجيب شنطة المدرسة والمقلمة والادوات بتاعة المدرسة وطرح المدرسة لو انتي محجبة وتوك واكسسوارات شعر لو انتي مش محجبة وجزمة مدرسة جديدة (كتوتش -جزمة )ومتلبسيش صندل او شبشب خروج في المدرسة اوعو يبقي شكله بلدي اووي ومش حلو ابدااااااااااااا
وطبعا هاتي الطرحة لايقة مع اليونيفورم بتاعك
انا مثلا اليونيفورم بتاعي لونه بمبي في كحلي اجيب له طرحة بمبي او ابيض او كحلي
وانتي في المدرسة بقي
متتكلميش بصوت عالي ابدااااااا
متخديش معاكي الموبايل بتاعك لو مضطري تاخديه لاي ظروف اقفليه خالص
3- اتكلمي مع معلماتك باحترام واوعي تتكلمي معاهم بطريقة وحشة
4- لما الاستاذ يسال سؤال عشان تجوبي متقعديش تتنتطي في الدسك وتزعجي الاستاذ وتزعجي زمايلك وتعملي دوشة علي الفاضي وبالطريقة دي كلهم هيكرهوكي ويقولو عليكي مش مؤدبة ومش منظمة وعلطول همجية
لازم تجاوبي باحترام وبصوت مسموع مش صوت عالي خااااالص ولا واطي خاااااالص
وتحطي ايدك علي الدسك باحترام وبهدوء خالص والاستاذ لو عايزك تجاوبي هيقولك
5- تاخدي معاكي المقلمة بتاعتك وتكون ادواتها كاملة ونضيفة ومش مكسرة ومش شكلها وحش ومتستعمليش حاجة حد ومتديش حاجتك لحد (اقصد ادواتك)
6-لو حد طلب منك مثلا منديل خليكي كريمة معاه واديلو اتنين عشان يحبوكي صدقيني
7-متتراخميش علي زمايلك وتحسسيه انك احسن منهم ومتتكبريش علي حد مهما كانت الاسباب
8- خليكي دايما نضيفة لبسك مكوي ونضيف وشوزك نضيفة ومتلمعة وطرحتك مش مكرمشة والتزمي باليونيفورم بتاعك وادواتك كاملة معاكي دايما متنسيش كتبك مقلمتك نضيفة ومغسولة كراريسك نضيفة وفيها استيكر وخط واضح وجميل ومسطرة كراستك منظمة كل حاجة
وده كانت النصايح هنعمل ايه في اول يوم مدرسة ؟هنقول كل حاجة خطوة بخطوة
1- هنجه شنطتنا من اليوم اللي قبليه اللي هيكون فيها
(كتبك -كراستك -مقلمتك -مصروفك-اكلك-المياه بتاعتك -كريم مرطب - جل معقم -مناديل وايبس-مناديل عادية )
هنكوي هدومنا من اليوم اللي قبليه برضك بردو (طرحتك-اليونيفورم)
هنلمع الجومة بتاعتنا او الكوتشي زي ما تحبي
هنام كده واحنا متطمنين ومتتاخريش ف النوم اخرك علي الساعة 10 كدهعشان تنامي كويس وتصحصحي
هنصحي علي الساعة 5 مثلا
هندخل التواليت دش دافيء -بارد ونغسل سنانا كويس ونطله من الشاور هنلبس اليونيفورم والطرحة ونسرح شعرنا كحكة تحت الطرحة يعني لو انتي محجبة ونعمل الطرحة بتاعتنا لفة حلوة ومتنزليش قصة من الطرحة ولا تنزلي منها ديل حصان ولا ضفيره هنكون خلصنا لف ولبس الطرحة وكده هنحط كريم مرطب علي الايد والوش وليب بالم وليب جلوس شفاف لو تحبي يعني
ولو عندك هالات سودة استعملي كريم للعين كل يوم وتحطي فوقيه كونسيلر عشان يبقي شكلك فريش اخرجي بقي من غرفتك واشربي (ناسكفيه نعناه ينسون كابتشينو شاي )اي مشروب حلو او لبن
كلي اي حاجة زي تفاحة سندويتش او برتقال كده مثلا
روحي المدرسة اتكلمي مع صحابك قبل الطابور سلمي عليهم وسلمي علي استاذتك وكده واقفي في الطابور وركزي فيه مترغيش مع اللي جمبك واللي قامك واللي وراكي واللي جمبك والكلام ده احنا دخلين علي سنة جديدة
اطلعي الفصل بتاعك في هدوء ونظام ومتزحفيش برجلك في السلم انتي بنت مش ولد
اطلعي اقعدي في الدسك بتاعك وامسحيه بمنديل وايبس عشان يبقي معقم ونضيف كدة وحلو
حطي شنطتك جمبك او علي الارض جمبك اي حاجة يعني كلو يمشي
طبعا ممكن يكون المدرسين اتغيروا وممكن لا
فخليكي هادية علي طول عشان يحبوكي ومترغيش في الحصص ابدا وخلي الكلام ده للفسحة اعملي اللي انتي عوزاه فيها والمدرس بعد ما يعرفكو بنفسه يقول اللي تنفع تعملوه واللي مينفعش فالتزمي باللي يقول عليه واسمعي كلامه
خليكي رقيقة وهادية وشاطرة وبتسمعي الكلام في المدرسة عشان البنات يحبوكي وتكوني صداقات اكبر
ملحوظة / اسمعي كلام مدرسينك واعملي الواجب علطووووول وزاكري دروسك كويس اوي وافهمي اللي بيقوله المدرس ولو مفهمتيش قوليله انك مفهمتيش الحته دي وهو يعيدها تاني لكن متخرجيش من الحصة مش فاهمة حاجة اكبر غلط
وكده خلصت حلقة اليوم هكمل لو لقيت تشجيع منكم ومتنسوش التقييم والردود
وفي الخر اتمنالكو عام دراسي جميل وممتع
وعلي فكرة في الترم الثاني هيبقي في جزء جديد من هذا العام وممكن السنة الجاية اعمل جزء ثالت
ومتنسوش تدعولي بالتوفيق في دراستي


































©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©