ارواحو نتفاهموا في الفنون تاع الطياب - ثقافة منزلية

[مريم]

عنوان الموضوع : ارواحو نتفاهموا في الفنون تاع الطياب - ثقافة منزلية
كاتب الموضوع : مريم
مقدم من طرف منتديات ايمازيغن

السلام عليكم اخواتي حبيت نحط الموضوع هذا لكي نستفادو من بعضانا لانو و كيما نعرفو حتى الطياب فيه قواعد و الفنون او لي زي بيس كل حاجة و واين تتحط في الطياب انا عن نفسي هاذو هما اللي نستعملهم اليوم شريتهم الفلفل الاسود والفلفل الاسود الابيض و الفلفل الاحمر الحار والحلو الكركم الزنجبيل الزعفران الرند الكمون الكسبر وراس الحانوت تاع الذواقة تاع تونس وزيد معاهم السينوج و الجلجلانية

• الاكل الابيض : استعمل الكركم و الفلفل السود الابيض والزنجبيل و الزفران والكسبر
  
• المقرونات : فلفل اسود راس الحانوت ورقة رند شوي تاع الفلفل الاحمر
  
• العجائن المليحة كيما الشخاشخ و التليتلي : راس الحانوت فلفل اسود كسبر
  
• الاكل الاحمر :راس الحانوت الكسبر شوي زعفران نكسر بيه اللون الاحمر شوي فلفل احمر والحار على حسب الرغبة
  
• الكمون نديرو في البطاطا الحمراء و البقوليات
  
• السينوج والجلجلانية في الخبز والكسرة
  
• الرند في الروطي تاع البطاطا و ورقات في السباقيتي و المقرونة والاكل الابيض
• هذا التوزيع راني هزيتو من التجارب تاعي ومن امي يعني يقدر يكون كاشما زايد كاش ما ناقص يعني اللي شافت حاجة تنصحني او تنتقد رانا هنا باش نطورو بعضانا و شكرا و شهية طيبة :m h31:

©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©