عنوان الموضوع : أعقد ونوي...بوقالات رمضان 2015
كاتب الموضوع : imilla
مقدم من طرف منتديات ايمازيغن

اختارو رقم من 1 الى 10



يجب ان تختارو رقما قبل ما تنزلو الى الاسفل وتشوفو البوقالات

لا تغشو****انا شافيتكم ****لوووووول****


1-دزيت باب الرياض ...والنسري ناداني... والورد فتحلي الباب ...والزهر عانقني ...والياسمين ذالك الشباب هو لي معذبني


2-ما نديها طويلة ...سلوم راشي .... ما نديها قصيرة.... فكرون ماشي.... نديها مربوعة قد... كي علم الباي ماشي

3-مشيتي عالية... وطولتي دالية... شبان ورجال ... يتبعو فيا ويمشو مذلولين ...مثل حمير القرية والبادية...ومن غير المولى وحبيبو ما في مين يعلى عليا

4 -خرجت في الليل ...نطلب في الله ...صبت النجوم دايرن ...وقالولي صلي على رسول الله...*ص*... ولي تستناهم راهم راجعين

5-قالي طبيبي ...بلاما يدري تداوى يا عليل ....ودائي ودوايا عند حبيب لمحبتو بخيل ....وقتاش يا عمري ترحمني ...وترحم دموعي لي تسيل؟؟؟

6-الاسمر يا لسمر ...يا شباب الحومة ....وشبيك غضبان وزعلان علينا.... احنا ما نسوى بلا بيك... لوجه ربي... راضينا وراضى علينا

7- قريب الرفيقة ...يا قريب الرفيقة ...بيني وبينك طويقة ... يا مخلي في قلبي شقيقة ....تروح وين تروح... بصح تعيا ترجع ليا ونرد لقلبك الحريقة

8-ما ناكلش من جنان الجنة لو يشهيني ....وما ناخذش الشيخ ولو يغنيني.... ناخذ الشباب بيض ولا سمر ...المهم هولي يملالي عيني

9-دزيت باب الحبيب ...دفة على دفة... فراشو من حرير نرقد وندفا.... بوقالو من ذهب نشرب لا نروى... وكلامو من عسل ...غير نذوق نشفى

10-انت سبيبط.... وانا خويط فيك.... انت سنيسلة.... وانا خمسة تحميك... انت خويتم وانا حجرة تبهيك ...وين تروح تلقاني وغير انا لي نديك



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©