عنوان الموضوع : الزوجة و الكنة في حرب متواصل - عالم المرأة
كاتب الموضوع : مريم
مقدم من طرف منتديات ايمازيغن

السلام عليكم ورحمة الله وبركاته

اليكم حوار بين كنة وحماتها اي عروسة وعجوزتها بالامثال الشعبية

العجوز (وهي تستفز كنتها بينما الكنة تقوم بشغل البيت): الله لا يخليني لليدين الله يخليني غابة و الناس حطابة. (هههههه
تدعي لربي يخليلها صحتها وتقوم بشغل البيت يعني عروستها ماتعرفش تخدم)
تنطق الكنة وتقول: باينة الشقة على حواشيها
العجوز: اضحك يا فمي على همي (تشكي همها من عروستها)
الكنة: ايه عندك الحق هم يبكي وهم يضحك وتضحك على العجوز ههههههه

العجوز: يعزيك في راسك الضحك يضحك على الضحك و الضحك يضحك عليهم رحنا لدار المهابل حرنا شكون يدبر عليهم ( هههههه يعني راهي تقول لكنتها انها مهبولة ومجنونة)
بعد ماتخلص الكنة شغل البيت تتزين و تخرج لتغيض العجوز
العجوز: خصك السواك يا معوجة الحناك (يعني بالتزين او بدون ماتشبهي لوالو)
و تقابل العجوز مرآتها و تحاول تحسن مظهرها
الكنة: الي فاتو وقتو مايطمع في وقت الغير
العجوز:الدنيا بالوجوه و الآخرة بالفعايل
يدخل الزوج يلقاهم في حرب ويقول: كي سيدي كي لالا (مسكين كسرولو راسو ههههههه)

نختم الحوار بهاد المثل على العجوز وعلى الكنة
المسلوخة تضحك عالمذبوحة والمقطعة شبعت عليهم ضحك هههههه



©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©