استعمل مربع البحث في الاسفل لمزيد من المواضيع
سريع للبحث عن مواضيع في المنتدى
-
09-03-2014, 09:14 PM بتوقيت الجزائر
#1
أنوي و خيري - المرأة
عنوان الموضوع : أنوي و خيري - المرأة
كاتب الموضوع : chichaki
مقدم من طرف منتديات ايمازيغن
والان اتمنى من كل واحدة تنوي وتخطار واحدة من 1 الى 20 و تقولي ماذا اختارت:
*
*
*
*
*
هيا أنوو
*
*
*
قلولي واش خيرتو...
*
*
لقد وصلنا....
///////////
1-يا اللي زايدة في عذابي في النهار انومك و في الليل نترجاك أعطيني كلمة من فمك يرحم اللي رباك
2-نسول عليك يالحبيب والسوال خير من ألف هنية ساعة على ساعة نفكر في الزمان ونقول علاش ألي تمنيتو ماهو ليا .
3-خرجت وحدي في الليل وخرجات الليل صعيبة انسيت المحنة والويل اتفكرتك انت يا الحبيبة
4-حب الملوك جاني مغلف في اوراقه انا وحبيبي في بلاد واحدة والقلب مشتاقه
5-عديان الجبال خطبت بنت الرجال و الي يقول كلمة في البنية عند الصبح تبان
6-حليت باب الجنان لقيت الملاح رقود تنهدت الدالية و تحرك العنقود قال القمر فالسماء نكشف على السحاب يذوب خلي الحبيب لحبيبو و اللي في قلبو حاجة الله يبلغ المقصود .
7-نزلت لقاع البحر خرجت لي جنية قالت لي وشبيك يا لالا مهمومة تكلمي افتحي قلبك ليا قلت لها يا مولاتي هذاك حبيبي أداوه عليا قلبي معاه و قلبو معاها هيا .
8-يا لي جايا من العين و بيدك مليتي السلة سبحان من أعطاك أزين و زاد في بهاك ذيك الحلة
9-النور يا النور و النور عينيا طبطبوا على الباب و جابو لي اللي عزيز عليا راني نتمنى من ربي يجي يطلب يدي من ماليا .
10-جاز عليا شباب في يده منديل ازرق و ششيته معنقرة و لبسته تبرق عليه نسمح في الولد و عليه نطلق وعليه نخلي البلاد ونردها خندق .
11-الشمعة يا لشمعة يا لشمعة الضواية لو كان نعرف وشبيك نمسح هذيك الدمعة من خديك و نرد وجهك مرايا يا ربي يا معبود اقبل دعاية يا رجع لي زهو الزمان ويعيا الحبيب قاعد معايا .
12-اطلعت للسطح و فرشت زربية حرقت حر قوس الذهب و حرقست عينيا أفرحي يا يما سعدي ولا ليا نستشفي فالعدو كما استشفى فيا .
13-فاطمة يا فطوم وين ما تكوني نرسلك مرسول إذا سكنتي البحر نرسلك عوامة وإذا سكنتي السماء نرسلك حمامة و إذا سكنتي القبر يحاسبك مولانا
14-علاش يا لالا التخمام رحمة الله واسعة و كبيرة لو كان جات بالكلام نتحدثو و نعطوك تدبيرة بصح كل شي بالمكتوب ويعيا و الخير يبان و تزول عليك الهموم و تروح الحيرة .
15-أعلميني يا لالا نهار تروحي لحمامك نرفدلك السلة و نمشي قدامك ندور على يمينك و نزيد على شمالك و نبقى لك خديم و طايع على طول زمانك
16-السفينة اللي جات باش نلاقيها باللوز و السكر نرش سواريها و الورد والياسمين نهديه للركاب فيها و بالمسك و العنبر نعطر أماليها
17-يا لشمس الضوايا يا العالية في سماك لو كان صبتك مرايا و نشوف وجهي بضواك يعود ربحي و غنايا و يقسم سعدي ذاك
18-في الساقية الماء يجري و الحشيش نابت متخالف بالشوك مليت حجري من هذاك الراي التالف كي غبت و غاب زهري و لا اللي يجيني خايف
19-أقعدت تحت النخلة قالولي دقلة نور جات أدور أطلعت فوق النخلة و بالعسل رشيت الصور معاه المعيشة تحلى حبيبي الساكن في القصور
20-جيت ساميت البحر شفت الحوت يعوم عرفت ما عندي زهر في ذا الحظ المحموم كي غاب ضي القمر ما ردت ضي النجوم .
لا تنسوني بالدعاء
©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©
المواضيع المتشابهه
-
بواسطة admin في المنتدى عالم حواء
مشاركات: 0
آخر مشاركة: 09-03-2014, 09:05 PM بتوقيت الجزائر
-
بواسطة kouka في المنتدى رسائل وتوبيكات
مشاركات: 0
آخر مشاركة: 07-25-2014, 02:07 AM بتوقيت الجزائر
-
بواسطة kouka في المنتدى الاستشارات الفقهية
مشاركات: 0
آخر مشاركة: 07-22-2014, 12:37 PM بتوقيت الجزائر
-
بواسطة salima في المنتدى الصحة النسائية
مشاركات: 0
آخر مشاركة: 07-16-2014, 05:19 AM بتوقيت الجزائر
ضوابط المشاركة
- لا تستطيع إضافة مواضيع جديدة
- لا تستطيع الرد على المواضيع
- لا تستطيع إرفاق ملفات
- لا تستطيع تعديل مشاركاتك
-
قوانين المنتدى