عنوان الموضوع : علاج خشونة وتشققات الكعبين علاج خشونة وتشققات الكعبين - العناية بالبشرة
كاتب الموضوع : hamida
مقدم من طرف منتديات ايمازيغن

علاج خشونة وتشققات الكعبين


لأنها مشكلة بتعاني منها بنات كتير نتيجة لإهمال الكعبين وعدم ترطيبهم مع المشي حافيين


ولأنها مشكلة بسيطة علاجها سهل مش مستدعية الذهاب لطبيب جلدية


حبيت أكتبلكم علاجها

علاجات سهلة وسعرها معقول ونتيجتها ممتازة وسريعة بإذن الله


نقاط مهمه لعلاج تشققات القدمين .. وللحفاظ على قدمين ناعمتين


= ممنوع السير حافية القدمين

لازم تلبسي جوارب أو تلبسي صندل بيتي

المهم ماتمشيش حافية خصوصا لو أرضية منزلك سيراميك أو رخام أو باركيه


= دايما حافظي على ترطيب قدميك


وخصوصا بعد الإستحمام أو الوضوء يعني زيها زي ايديك بتحتاج لترطيب دائم


لعلاج تشققات القدمين وخشونة الكعبين


تشققات القدمين وخشونة الكعبين

يوضع فقط على الكعبين وعلى الأماكن اللي فيها جلد سميك وطبقات جلد ميت وتشققات


انتبهوا يابنات .. يوضع على جلد الكعبين فقط لأننا عايزين ننعم ونقشر الجلد السميك دا مش عايزين نقشر الجلد السليم اللي فوق الكعبين


1-

عمل حمام بالماء الساخن للقدمين مره أسبوعيا لتليين طبقات الجلد الميت

مع دعك الكعب بحجر القدمين المتوفر عندك

ودي صور مختلفة لأنواع حجر القدم (( حجر الخفاف )) لازم يكون الحجر خشن


بعد ماتغسلي قدميك تنشفيهم كويس

ودا أحسن وقت تدهني في قدميك بكريم سواء كريم ترطيب أو كريم علاجي



2-
لعلاج تشققات الكعبين وخشونة الكعبين


** Diprosalic ointment مرهم ديبروساليك

دا مرهم للكعبين فقط مرتين أو 3 مرات يوميا لمدة أسبوعين إلى 3 أسابيع مع لبس جوارب وانتي حاطه المرهم ولو أمكن ممكن تلبسي كيس بلاستيك لمدة ساعتين وانتي حاطه الكريم دا

بتلاحظي بالأول إن التشققات بتتقفل بعدين بتلاحظي إن طبقات الجلد الميت بتتقشر

لوحسيتي بإلتهاب وحكه وقفي الكريم يوم واستخدميه يوم اه ويوم لاء

>>> بدائل مرهم ديبروساليك : مرهم لوكاسالين أو مرهم بيتنوسال


<<بدائل أخرى للديبروساليك>>


ممكن نستبدل كريم الديبروساليك بخلطة كريم ثانية تقدري تعمليها بالصيدلية

ودي ميزتها إن سعرها رخيص وبتفضل معاكي فترة طويلة

((علبة فازلين كبيرة +بودرة ساليسيلك2% فقط)

دي تركيبة تعمليها عند أي صيدلي

تستخدميها مره أو مرتين باليوم على حسب الحاجة

دي هاتقشر الكعبين وهاتلاحظي ظهور قشور على الكعب

فهاتحطي كريم جليسوليد الأحمر كترطيب وتنعيم




...

كدا احنا استمرينا على أي مرهم من المراهم السابقة لمدة 20 يوم تقريبا

هاتلاحظي إن الكعبين مقشرين ودا المطلوب إننا شيلنا الطبقة السميكة الميتة وقفلنا التشققات

هانبدي نستخدم بقى


Carbamide cream كريم كارباميد أو كريم جليسوليد الأحمر أو خليط منهم هم الإثنين


للتنعيم ولإزالة القشور

في خلال أسبوع هاتلاقي كعبيك ناعمين جدا بإذن الله

ودا هايكون المرطب بتاعك بإستمرار

بعد ماتحصلي على النتيجة اللي انتي عايزاها وهي قدمين ناعمتين وجلدهم ناعم ورقيق

لازم تحافظي على النتيجة دي

عن طريق ترطيب القدمين دايما بأي كريم ترتاحي فيه سواء بعد الإستحمام أو الوضوء وقبل النوم

سواء بـ:

كريم فازلين للعناية بالقدمين
كريم جليسوليد

كريم كارباميد

كريم فوت سمارت

أو حتى فازلين العادي





وطبعا ماننساش ماتمشيش حافية أبدا

....




قد تكوني مهتمة بالمواضيع التالية ايضاً:





©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©