عنوان الموضوع : عيش الصالحين ( بو مفور البسكري) - اكلة جزائرية
كاتب الموضوع : imilla
مقدم من طرف منتديات ايمازيغن


اليوم راح نديرلكم كيما يسموه ناس بسكرة عيش الصالحين أو بو مفور
* تفتلي عيش أو بربوشة خشينة هو رقيق على العيش
* فوري قدر كيلو أو كيلو و نصف كيما البربوشة 2 مرات أو 3 حتان يرطاب
* وجدي البرمة: نصف ربطة بصلة خضرة مقطعة شوي خشينة مع 2 حبات بصل مدورة مقطة كالأخرى
* ذبليهم في الزيت مع رأس ثوم مهرس و ملح و نصف مغرف أكل شحمة ذايبة
* ضيفي فلفل حار مهرس و نصف ملعقة أكل راس الحانوت و مثلها فلفل أحمر اللي يحب الحار يدير الحار 2 أو 3 حبات طماطم مرحيين و ملعقة و نصف أكل طماطم مصبرة
* يغلي كل شيء مع بعض لكن مايطولش في الغليان(10 دقائق أو 15) و إذا جاك خاثر بزاف زيدي نصف كاس ماء و ضيفي ربطة دبشة مقطعة
( اللي يحب يجيه حامض و بنين يزيد الفرماس (الهرماس) تغليه و ترحيه و تضيفيه مع الطماطم)
( و اللي يحب الكرنب يقطعو طراف صغار و يغليه في الماء و الملح و صفيه و لوحيه مع باقي الخليط يطيب معاه راهو يجي هاااااااااايل)
* أطفي النار و حطي بومفور في قصعة نتاع عود و أفرغي عليه الخليط و خلطيه ملييييييييح و كولي بصحتك
كي نطيبو نحطلكم التصاور




©المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى©